चलचित्र पत्रकार संघको अध्यक्षमा समीर बलामी निर्वाचित

काठमाडौं, १८ फागुन । चलचित्र पत्रकार संघको अध्यक्षमा समीर बलामी निर्वाचित भएको छ ।
बिहीबार सम्पन्न संस्थाको नवौं महाधिवेशनले बलामीको नेतृत्वमा नयाँ कार्यसमिति निर्वाचित गरेको हो ।
उपाध्यक्षमा कुबेर गिरी, उपाध्यक्ष संगठनतर्फ विजय सुवेदी र उपाध्यक्ष महिलातर्फ सुरक्षा भट्टराई निर्वाचित भएका छन् । अध्यक्ष पदमा बलामी र राजन घिमिरेबीच प्रतिस्पर्धा भएको थियो ।
बलामीले ८३ मत पाउँदा घिमिरेले ६७ मत प्राप्त गरे । महासचिवमा रघुनाथ सापकोटा, सचिवमा नवीन गिरी, सचिव समावेशीतर्फ उद्धव रसाइली, कोषाध्यक्षमा मनिष कार्की र सहकोषाध्यक्ष मनिष अञ्जान निर्वाचित भएका छन् ।
सदस्यहरुमा सुरेन्द्र थापा, सीपी जैसी, अर्जुन गुरागाईं, अनुप भट्टराई, निशा बजगाईं, कृष्ण पाण्डे, सदस्य महिलातर्फ सुष्मा कार्की र सदस्य समावेशीतर्फ मोहम्मद जालिम निर्वाचित भएका हुन् ।