खैरो हिरोइन सहित प्रहरीले २ जनाको पक्राउ

बिरगंज, १८ फागुन । खैरो हिरोइन सहित प्रहरीले बिरगजबाट २ जनाको पक्राउ गरेको छ ।
फागुन १६ गते दिउँसो ४ बजेतिर वीरगञ्ज महानगरपालिका वर्डा नं.१६ शंकराचार्य गेट स्थित सडकखण्डबाट वडा प्रहरी कार्यालय विर्ता र लागु औषध नियन्त्रण व्यूरो पर्साबाट खटिएको संयुक्त प्रहरी टोली सवारी साधन तथा पैदल यात्रीहरूलाई चेकजाँच गर्ने क्रममा भारतको रक्सौलबाट वीरगञ्जतर्फ शंकास्पद रूपमा आउदै गरेकाको साथबाट लागुओषध बरामद भएको हो ।
महम्द नायम शेखलाई चेकजाच गर्दा झोलामा लुकाइ छिपाइ प्लाष्टिकमा बेरिएको ३ वटा प्याकेट मा रहेको खैरो हिरोइन ३ सय ग्राम फेला परेको प्रहरीले जनाए ।
लागु औषध बरामद गरी महमद नायम शेखसंग अनुसन्धान गर्दा कोटेश्वर बस्ने सुरेश घले लाई पनि प्रहरीले पक्राउ गरेको छ ।