डान्स ड्रामा ‘ज्याकी आई एम ट्वान्टी वान’ को टिजर सार्वजनिक

काठमाडौं, १९ फागुन । धीरज मगर स्टारर डान्स ड्रामा ‘ज्याकी आई एम ट्वान्टी वान’ को टिजर सार्वजनिक भएको छ ।
फिल्मको कथावस्तु र चरित्र चित्रणबारे खुलासा गरेको हो । जहाँ धीरजले हिपहप डान्समा करिअर बनाउने सपना देखेको एक ‘एमेच्योर्ड डान्सर’ को भूमिका निर्वाह गरेका छन् ।
हिपहप नृत्यमा सफल हुन सपना देखेको प्रमुख पात्रले परिवारको अवरोधको बाबजुद कसरी लक्ष्य प्राप्तिको लागि संघर्ष गर्छ भन्ने कथावस्तु यसमा समेटिएको छ ।
फिल्ममा धीरज मगरको साथमा जसिता गुरुङ, अरुण क्षेत्री, प्रेम सुब्बा, लुनिभा तुलाधर, पल्पसा डंगोल, राजु भुजु, सुजता राईलगायतका कलाकारको अभिनय छ ।
नृत्य निर्देशकको रुपमा स्थापित रेनशा बान्तवा राईले निर्देशन गरेको यो फिल्ममा उनले केन्द्रीय द्वन्द्वको रुपमा पनि नृत्य र त्यसबीच आउने परिवारिक अपेक्षालाई प्रस्तुत गरेकी छन् । सुशान्त प्रजापतिको छायांकन, निमेश श्रेष्ठको सम्पादन, रेनशा राई राना र सोमनाथ खनालको संवाद छ ।