सर्लाही, २१ फागुन । पूर्वपश्चिम राजमार्ग अन्तर्गत सर्लाहीको बाँके जङ्गलमा पिकअप र अटो एकआपसमा ठोक्किँदा १ जनाको मृत्यु भएको छ ।
दुर्घटनामा धनुषाको मिथिला नगरपालिका वडा नं. १०, का ३४ दीपक स्याङतानको मृत्यु भएको हो ।
लालबन्दीमा सामान्य उपचार गरी थप उपचारको लागि वीरगञ्ज पुर्याउँदा चिकित्सकले मृत घोषणा गरेको प्रहरीले जनाएका छन् ।
शनिवार अपरान्ह ४ बजेतिर फूलजोर चोकबाट पाँच किलोमिटर पूर्वतर्फ पश्चिमबाट आइरहेको बागमती प्रदेश ०१–०२५ च ००७ नम्वरको पिकअप र विपरीत दिशाबाट गइरहेको प्रदेश २–०२–००१ ह ०३३३ नम्वरको अटो एकआपसमा ठोक्किएर दुर्घटना भएको जिल्ला प्रहरी कार्यालय मलङ्गवाले जनाए ।
पिकअपका चालक धादिङको थाक्रे गाउँपालिका वडा नं. ११, का २३ वर्षीय सुनिल सुनुवार सामान्य घाइते भएका छन् । उनलाई लालबन्दीमा सामान्य उपचार पश्चात आइतबार बिहान प्रहरीले हिरासतमा लिइसकेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन