सुनको मूल्य तोलामा ८ सय बढे

काठमाडौँ, २६ फगुन । साताको कारोबार अन्तिम दिन शुक्रबार सुनको मूल्य तोलामा ८ सय बढेको छ ।
नेपाल सुनचाँदी व्यवसायी महासंघका अनुसार शुक्रबार छापावाल सुनको मुल्य तोलामा १ लाख १ हजार ८ सय र तेजावी सुनको मुल्य तोलामा १ लाख १ हजार ३ सयमा कारोबार भएको हो ।
बिहीबार छापावाल सुनको मुल्य तोेलामा १ लाख १ हजार र तेजावी सुनको मुल्य तोलामा १ लाख ५ सयमा कारोबार भएको थियो ।
यसैगरी शुक्रबार चाँदी तोलामा १ हजार २ सय २० रुपैयाँमा कारोबार भएको छ । यसअघि बिहीबार पनि चाँदी सोही मूल्यमा कारोबार भएको थियो ।