बस दुर्घटनामा ५ को मृत्यु

काठमाडौं, २८ फागुन । सिन्धुलीको फिक्कल गाउँपालिका वडा नं. ४ कुइभिरमा बस दुर्घटना हुँदा ५ जनाको मृत्यु भएको छ ।
ओखलढुंगाबाट काठमाडौं आउँदै गरेको बा २ ख ६५९६ नम्बरको बस आइतवार बिहान ९ः१५ बजे दुर्घटना भएको हो ।
दुर्घटनामा ५ जनाको मृत्यु भएको सिन्धुलीकी प्रमुख जिल्ला अधिकारी सुनिता नेपालले जानकारी दिइन् ।
उनका अनुसार दुर्घटनाको बेला बसमा २९ जना यात्रु थिए । घाइतेहरुलाई उद्धार गरेर उपचारको लागि अस्पतालमा पठाइएको बताइन् ।