रक्सी सेवन गरेर सडकमा हंगामा गर्ने प्रहरी निलम्बन

सप्तरी, २८ फागुन । सप्तरीको राजविराजमा दिउँसो रक्सी सेवन गरेर सडकमा हंगामा गरेका प्रहरी संजिव कुमार राय निलम्बनमा परेको छ ।
उनले रक्सी सेवन गरेर चेकजाँच गर्न थालेपछि स्थानीयले उनलाई प्रतिवाद गरेका थिए ।
जिल्ला प्रहरी कार्यालय सप्तरीमा कार्यरत प्रहरी रायले राजविराजस्थित महेन्द्र विन्देश्वरी बहुमुखी क्याम्पस अगाडी सेवारी चेकजाँचको क्रममा विवाद गरेको र अर्धनग्न भई सडकमा दौडिरहेको भिडियो समाजिक संजालमा सार्वजनिक भएको थियो ।
प्रहरी जवानसहित विवाद र दुर्वयवहार गर्ने घटनामा संलग्न ६ जना व्यक्तिलाई समेत पक्राउ गरिएको छ ।
भिडियो फुटेजको आधारमा पहिचान गरी त्यस घटनामा संलग्न देखिएका अरुलाई पनि पक्राउ गरी अनुसन्धान गर्ने डिएसपी नरेश कुमार सिंहले बताए ।