रौतहटमा सहायक शिक्षकद्वारा प्रधानाध्यापक माथि हातपात

प्रेमचन्द्र झा
रौतहट, २८ फागुन । रौतहटको दुर्गा भगवती गाउँपालिकामा रहेका एक माध्यमिक विद्यालयका प्रधानाध्यापकलाई आफनै विद्यालयका शिक्षकले हातपात गरेको प्रहरीले बताए ।
दुर्गा भगवती गाउँपालिका वडा नम्बर २ स्थित सरस्वती माध्यमिक विद्यालय पिपरा भलोहियाका प्रधानाध्यापक कृष्ण कुमार पंकजलाई सोही विद्यालयका सहायक शिक्षक विकास महतो विहान साढे दस बजेको समयमा गालीगलौज गरी हातपात गरेको गरेको ईलाका प्रहरी कार्यालय गंगा पिपराका प्रहरी नायव निरिक्षक बैजुलाल यादबले बताए ।
सोही विधालयमा करार शिक्षकको रुपमा कार्यरत रहेका साह तलबको निहुँमा प्रधानाध्यापकलाई मुक्का र लातले कुटपिट गरेको हो । प्रधानाध्यापकलाई कुटपिट गर्ने शिक्षक साहलाई आवश्यक कारवाहीको लागि जिल्ला प्रहरी कार्यालय रौतहट पठाएको प्रहरी नायव निरिक्षक यादवले बताए ।