प्रशिक्षक भिनसेन्जो अल्बर्टो एनेसीसँग १ वर्षको सम्झौता

काठमाडौं, २९ फागुन । अखिल नेपाल फुटबल संघ राष्ट्रिय फुटबल टिमका नवनियुक्त मुख्य प्रशिक्षक भिनसेन्जो अल्बर्टो एनेसीसँग १ वर्षको सम्झौता गरेको छ ।
उनीसँग आइतबार एक वर्षको लागि सम्झौता गरिएको एन्फाले जनाएको १ । एनेसीले एक वर्षको सम्झौतामा हस्ताक्षर गरेको एन्फाले जनाए ।
अब्दुल्लाह अल्मुताइरीले राजीनामा दिएपछि खाली रहेको स्थान अब एनेसीले लिने छन् । यसबीचमा बंगलादेश र पाकिस्तान सँगको मैत्रीपूर्ण खेलमा एन्फाले प्रदीप हुमागाईं र प्रवेश कटुवाललाई प्रशिक्षकको जिम्मेवारी दिएको थियो ।
नेपालका प्रशिक्षकसँग प्रो लाइसेन्स नभएकोले एन्फाले विदेशकै प्रशिक्षक भित्र्याएको हो । ३८ वर्षीय एनेसीसँग यूईएफए प्रो लाइसेन्स छ ।