तराई टप संवाददाता
रौतहट, २७ वैशाख । एकै दिन कोरोनाबाट २ महिला सहित ४ जनाको रौतहटमा मृत्यु भएको छ भने कोरोनाबाट मर्नेको संख्या २० पुगेका छन् ।
आईतवार राति प्राथमिक स्वास्थ्य केन्द्र कटहरियामा उपचार गराइरहेको कटहरिया नगरपालिका वडा नम्वर ९ को ४८ बर्षिय पुरुषको मृत्यु भएको छ भने गौर अस्पतालमा अस्थायी कोभिड वार्डमा सर्लाही जिल्ला बलरा नगरपालिका वडा नम्वर ३ की ५६ बर्षिया महिला, गौर नपा ५ ६२ बर्षिय पुरुष व्यक्तिको मृत्यु भएको जिल्ला प्रहरी कार्यालय गौरले जनाएका हुन् ।
पाँच दिन भित्रै देवर भाउजुको कोरोनाबाट मृत्यु
यसैगरी तिन दिन अघि कोरोनाबाट संक्रमित भएर अस्थायी कोभिड वार्ड गौरमा उपचार गराइरहेकी गढीमाई नगरपालिका वडा नम्वर ३ पर्सा टोलकी ५३ बर्षिया महिलाको अवस्था विग्रिदै जाँदा थप उपचारको लागि प्रादेशिक अस्पताल जनकपुर रेफर गरएका थिए । कोरोना संक्रमित महिलालाई प्रादेशिक अस्पताल जनकपुर तर्फ लैजादै गर्दा बाटोमै मृत्यु भएको गढीमाई नगरपालिकाको कोभिड फोकल पर्सन धर्मेन्द्र सहनीले बताए ।
फोकल पर्सन सहनीका अनुसार मृतक महिलाको आफनै ५० बर्षिय देवरको गत २२ गते मृत्यु भएको र श्रीमान कोरोना पोजेटिभ रहेको छ । पाँच दिन भित्रै कोरोनाबाट एकै परिवारको दुई जनाको ज्यान गएको उनले बताए ।
रौतहटमा कोरोनाबाट संक्रमित भई मृत्यु हुनेको संख्या रौतहटमा २० पुगेको छ । आईतवार सम्म रौतहट जिल्लाको विभिन्न अस्पताल र विरगंज स्थित विभिन्न अस्पताल गरेर १७ जनाको मृत्यु भइसकेका थिए । तर रौतहटको एक महिला सहित तिन जना र सर्लाहीको एक जना महिलाको कोरोनाबाट मृत्यु भएको रौतहट प्रहरीको प्रवक्ता एवं डिएसपी भरत श्रेष्ठले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन