zoom meeting download windows 10 pc 64 bits zoom user guide pdf download zoom download browser zoom app download.com zoom meeting cloud app download download zoom for windows 10 home zoom meeting login meeting id - zoom meeting login meeting id zoom app malware

भारतबाट स्वदेश फर्किन चाहने नेपाली नागरिकको लागि १३ वटा नाका प्रवेशको लागि खुला

   २८ बैशाख २०७८, मंगलवार १३:२२  

तराई टप संवाददाता
रौतहट, २८ वैशाख । मित्र राष्ट्र भारतमा तिव्र रुपमा फैलिएको कोरोनाको महामारीबाट वेरोजगार भएका नेपाली नागरिकहरुका लागि रौतहटको गौर सहित १० वटा नाकाबाट नेपाल प्रवेशको लागि खुला गरिएको छ ।
भारतमा कोरोना भाइरसको सुनामी आएपछि वेरोजगार भई स्वदेश फर्किन लागेका नेपाली नागरिकहरुको हकमा सुरक्षित र व्यवस्थित रुपमा प्रवेश गर्न दिइने शर्तमा गौर सहित १३ वटा सीमा नाका खुला गरिएको परराष्ट्रमन्त्री प्रदीप ज्ञवालीले ट्वीट मार्फत जानकारी दिएका हुन् ।
छिमेकी राष्ट्र भारतमा कोरोना संक्रमण तिव्र गतिमा फैलिएपछि नेपाल सरकारले सीमानाकामा कडाई गरेपछि नेपाली नागरिकहरुलाई नेपाल प्रवेशमा असहज भइरहेका थिए । नेपालमा पनि दिनप्रतिदिन संक्रमितको संख्या उकालो लाग्ने क्रम नरोकिए पछि कोरोना भाइरस संक्रमणको चेन ब्रेक गर्नका लागि मुलुकको रौतहट सहित ५८ जिल्लामा पूर्ण र ११ जिल्लामा आंशिक निषेधाज्ञा जारी गरिएको छ ।
जसमध्ये भारतसँग खुला सीमा जोडिएको रौतहट जिल्लासहित अन्य सीमा जोडिएका जिल्लाहरुमा पूर्ण रुपमा निषेधाज्ञा लगाइएको छ । यी जिल्लाहरुमा रहेका अन्तरराष्ट्रिय सीमानाका पनि बन्द गरिएकोमा सीसीएमसीको सिफारिसमा मन्त्रिपरिषदको निर्णय सँगै अब ति नाकाहरु खुला रहने परराष्ट्र मन्त्रालयले जनाएको छ ।
निषेधाज्ञाको समयमा भारतबाट नेपाल आउन चाहनेहरुका लागि सरकारले १३ वटा नाका खुला गरेको छ । मन्त्री ज्ञवालीका अनुसार सुदूर पश्चिमबाट दार्चुलाको पुलाघाट, बैतडीको झुलाघाट, कञ्चनपुरको गड्डाचौकी, र कैलालीको गौरीफण्टा नाकाबाट आवश्यक प्रक्रिया पूरा गरेर नेपाल प्रवेश गर्न दिइने भएको छ । त्यस्तै, बाँकेको जमुनाह नाका, कपिलवस्तुको कृष्णनगर, रुपन्देहीको बेलहिया नाकाबाट पनि नेपाल प्रवेशको लागि अनुमति दिइएको छ । सीसीएमसीको निर्णय अनुसार नेपाल प्रवेशको लागि अनुमति दिइएका १३ नाकाहरु ।

१. वीरगञ्ज – पर्सा
२. गौर – रौतहट
३. भित्तामोड –धनुषा
४. गौरीफन्टा – कैलाली
५. जमुनाह – बाँके
६. कृष्णनगर –कपिलवस्तु
७. बेलहिया – रुपन्देही
८. पुलाघाट – दार्चुला
९.झुलाघाट – बैतडी
१०.गड्डा चौकी – कञ्चनपुर
११.जोगबनी – मोरङ
१२. काँकडभिट्टा – झापा
१३. पशुपति नगर – इलाम

फेसबुकबाट तपाईको प्रतिक्रिया सबै