download zoom chat after meeting free zoom app download for pc zoom citrix download zoom meeting download windows 10 deutsch join zoom meeting online with id zoom app marketplace メール join zoom meeting by id number - join zoom meeting by id number zoominfo extension for edge

दलित बस्तीको चार घरमा आगलागी, १० लाखको क्षति

   १ जेष्ठ २०७८, शनिबार १६:२७  

तराई टप संवाददाता
रौतहट, १ जेठ । दुर्गा भगवती गाउँपालिका वडा नम्वर ३ मत्सरीमा शनिवार दिउसो तिन घरमा आगलागी भएर पूर्ण रुपमा ध्वस्त भएको छ भने एक घर आँशिक रुपमा क्षतिग्रस्त भएका छन् ।
दुर्गा भगवती गाउपालिकाको मत्सरीका गगनदेव महराको घरबाट सल्किएको आगो दाजुभाईहरु सतलाल महरा र बुधन महराको घर पूर्ण रुपमा ध्वस्त भएको छ । गगनदेव महराको छिमेकी महदेव महराको घर आँशिक रुपमा जलेको वडाध्यक्ष धर्मेन्द्रकुमार झाले बताए ।
गगनदेवको श्रीमतीले आज दिउसो २.३० बजेको समयमा नास्ता पकाउने क्रममा आगो सल्किदा आगलागी भएको बताइएको छ । आगलागी भएपछि स्थानीय बासिन्दाहरु आगो माथि नियन्त्रण गर्ने प्रयास सुरु गरेकै क्रममा सशस्त्र प्रहरी र नेपाल प्रहरी सहित गौरबाट आएको दमकलको मद्दतबाट आगो माथि नियन्त्रण गरिएको वडाध्यक्ष झाले जानकरी दिए ।


मानविय क्षति नभएपनि घरमा रहेको अन्न, लत्ताकपडा, गरगहना, सहितको बहुमूल्य समानाहरु जलेर खरानी भएको हुँदा १० लाख भन्दा बढिको सम्पत्ती जलेर नष्ट भएको उनले भने । लकडाउनको समय भएको हुदा गाउँलेहरु सवै घरमै रहेको हुँदा मानविय क्षति हुन नदिएपनि भौतिक रुपमा क्षति हुनबाट जोगाउन नसकिएको उनले स्पष्ट पारे ।
वडा कार्यालयको कार्यालय सहयोगीको रुपमा कार्यरत रहेका गगनदेवको आगलागी भएपछि खुला आकाश मुनी बस्नुपर्ने अवस्था सृजना भएकोमा व्यक्तिगत रुपमा सहयोग गर्ने प्रतिबद्धता वडाध्यक्ष झाले जनाए ।
गाउँपालिका अध्यक्ष अरुणकुमार साहले आगलागी भएको स्थलमा पुगेर भएको क्षतिको अध्ययन प्रहरीबाट गरिने नै छ, गाउँपालिकाबाट हुने सक्दो सहयोग गर्नुका साथ दलित परिवारलाई घर बनाउन आवश्यक मद्दत गर्ने स्पष्ट पारे ।
नेकपा माओवादीको युवा नेता शम्भु सिह सहत वडा नम्वर १ र ३ का अधिकाँश बासिन्दाहरु उपस्थित भई आगो माथि नियन्त्रण गर्नमा सहयोग पुर्याइएको वडा सदस्य कमलेश झाले बताए ।

फेसबुकबाट तपाईको प्रतिक्रिया सबै