काठमाडौं, १३ चैत । मुम्बई इन्डियन्सले पहिलो संस्करणको वुमन्स प्रिमियर लिग टी–२० क्रिकेटको उपाधि जितेको छ ।
मुम्बई स्थित ब्राबोन स्टेडियममा भएको फाइनलमा मुम्बईले दिल्ली क्यापिटल्सलाई ७ विकेटले पराजित गर्दै पहिलो च्याम्पियन बनेको हो ।
नाट सिभर ब्रन्टले अविजित ६० रन बनाएपछि मुम्बईले १ सय ३२ रनको लक्ष्य ३ बल अगावै ३ विकेट गुमाउँदै पूरा ग¥यो । ब्रन्टले ५५ बल खेल्दै ७ चौका प्रहार गरिन् । कप्तान हरमनप्रित कौरले ३९ बलमा ५ चौका प्रहार गर्दै ३७ रन बनाइन् ।
टस जितेर पहिला ब्याटिङ गरेको दिल्लीले निर्धारित २० ओभरमा ९ विकेट गुमाउँदै १ सय ३१ रन बनाएको थियो । दिल्लीकी कप्तान मेग ल्यानिङले २९ बलमा ५ चौका सहित सर्वाधिक ३५ रन बनाइन् ।
मुम्बईको लागि हेली म्याथ्युजले ४ ओभरमा २ मेडन राख्दै ५ रन मात्र खर्चेर ३ विकेट लिइन् । यस्तै इस्सी वोङले पनि ३ तथा अमेलिया केरले २ विकेट लिइन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन