तराई टप संवाददाता
रौतहट, ५ जेठ । कोरोना भाईरसको दोश्रो लहरलाई कम गर्न स्थानीय प्रशासनद्धारा लगाइएको निषेधाज्ञाको असर अव देखिन थालेको छ ।
रौतहट सदरमुकाम गौर अस्पतालमा रहेको पिसिआर ल्यावमा परिक्षण गराउने १९७ जनामा २२ जना कोरोना संक्रमित भएको पुष्टि गरिएको हो । पछिल्लो २४ घण्टामा उक्त ल्यावमा स्वाव दिएरको मध्ये संक्रमित दर १३ प्रतिशतमा झरेको छ । निषेधाज्ञा अघि झण्डै ८० प्रतिशत संक्रमित दर रहेको रौतहट जिल्लामा दुई साताको लकडाउनमा लगभग ६७ प्रतिशतले कमि आएको जिल्ला प्रशासन कार्यालयले जारी गरेको तथ्याँकमा उल्लेख गरिएको छ ।
एन्टिजेन विधिबाट ३ जना गरेर २५ जना संक्रमित पुष्टि भएको जानकारी दिदै प्रमुख जिल्ला अधिकारी इन्द्रदेव यादवले ११ जना कोरोनको जंग जितेर घर फर्किएको छ भने ६७६ जना अहिले पनि सक्रिय कोरोनाको संख्या जिल्लामा रहेको बताए ।
पछिल्ला २४ घण्टामा गौर अस्पतालमा ४ र विरगंजमा १ जना गरी ५ जना विरामीको कोरोनाबाट मृत्यु भएको जानकारी दिदै प्रजिअ यादवले संक्रमितको संख्यामा कमि आएपनि मृत्यु हुनेको संख्या घटबढ भईरहदा अलि चिन्ता बढाएको छ । कोरोनाबाट अहिले सम्म मृत्यु हुनेको संख्या ६१ पुगेको छ । स्थानीय प्रशासनद्धारा जारी गरिएको निषेधाज्ञालाई पूर्ण रुपमा पालना गरेर संक्रामक रोग माथि नियन्त्रण गराउनमा जिल्लाबासी संग अपिल गरे ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन