रौतहट, १५ चैत । रौतहटको इशनाथ नगरपालिका ६ जयनगर गाउँमा मंगलवार राति आगलागि हुँदा एक बालिकाको मृत्यु भएको छ ।
इशनाथ नगरपालिका वडा नम्वर ६ जयनगर गाउँका शेख इसरातको गोठबाट गएराति ९.३५ बजेको समयमा सल्किएको आगो छिमेकी मजिबुर रहमानको घरमा आगलागि हुँदा सुतिरहकी उनका १२ बर्षिया छोरी राजिया खातुनको जलेर मृत्यु भएको जिल्ला प्रहरी कार्यालय रौतहटले जनाएको हो ।
उनी संगै सुतिरहेकी १० बर्षिया सजिया खातुनको दुबै हात, अनुहार जलेर गम्भीर घाईते भएपछि निजको स्थानीय स्वास्थ्य चौकीमा सामान्य उपचार पछि थप उपचारको लागि नारायणी उपक्षेत्रिय अस्पताल वीरगञ्ज पठाइएको प्रहरीले बताए ।
आगलागि भएको खवर पाउना साथ सशस्त्र वेस क्याम्प रामपुर खाप, प्रहरी चौकी जयनगरबाट खटिएका प्रहरी टोली संगै स्थानीय जनताहरु आगलागिलाई नियन्त्रणमा लिएका थिए । तर दुई वटा घर पूर्ण रुपमा जलेर नष्ट भएका छन् ।
आगलागिबाट भौतिक सम्पत्ती कति बराबरको जलेको वारे प्रहरीले विवरण संकलन गरिरहेको छ । आगलागिको किन र के कारणबाट भएको सम्बन्धमा प्रहरीले आवश्यक अनुसन्धान गरिरहेको जिल्ला प्रहरी कार्यालय रौतहटका एसपी विरबहादुर बुढा मगरले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन