तराई टप संवाददाता
पर्सा, १२ जेठ । चर्चित बलिवुड अभिनेत्री मनिषा कोइराला र वीरगञ्ज महानगरपालिकाले नारायणी उप क्षत्रिय अस्पताललाई विभिन्न स्वास्थ्य सामग्री तथा उपकरण सहयोग गरेका छन् ।
पर्सा, वारा, रौतहटका विरामीहरुको लागि सहज एवं पायक पर्ने स्थान वीरगञ्ज स्थित नारायणी उप क्षेत्रिय अस्पतालमा १४५ वेड कोरोना संक्रमितको उपचारको लागि छुट्याइएकोमा हाल १०५ कोरोना संक्रमितको उपचार भईरहेका हुन् ।
बुधबार अभिनेत्री मनिषा कोइरालाले पठाएको ४ थान नन इन्भेसिभ भेन्टिलेटर (सिप्याप), पीपीई सेट, फेसशिल्ड, मास्क १÷१ सय थान र फुल फेस मास्क ३ थान हस्तान्तरण गरियो । उक्त सामग्री तथा उपकरण समाजसेवी रामनारायण कुर्मीले अस्पताल परिसरमा पुगेर अस्पताल विकास समितिका अध्यक्ष पुरेन्द्र किशोर लाभलाई हस्तान्तरण गरे ।
कुर्मीले पैसा र पहुँच नहुने मानिस उपचारको अभावमा अकालमा मृत्यु हुने अवस्था आउन नदिन उद्देश्यबाट स्वास्थ्य सामग्रीको हस्तान्तरण गरिएको बताए । बुधबार नै वीरगञ्ज महानगरपालिकाले ३ थान इन्भेसिभ भेन्टिलेटर सहयोग गरेको नारायणी अस्पतालका चिकित्सक डा. उदयनारायण सिंहले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन