कोरोनाको उद्गमस्थलको छानविन गर्न गुप्तचर निकायलाई राष्ट्रपति वाइडेनको निर्देशन

अमेरिकी राष्ट्रपति जोड बाइडेनले कोरोनाको उद्गमस्थल बारे तीव्र रुपमा छानविन गरी ९० दिन भित्र रिपोर्ट पेश गर्न गुप्तचर निकायहरुलाई निर्देशन दिएका छन् ।
यसअघि चीनको उहान इन्स्टिच्युट अफ भिरोलोजीमा कार्यरत धेरै अनुसन्धान कर्ताहरु नोभेम्बर २०१९ मा बिरामी भएको तथ्य अमेरिकी गुप्तचरहरूले फेला पारेको थियो । त्यसयता, भाइरसको उद्गममबारे अझै गहिरोसँग अध्ययन गर्नका लागि बाइडेन प्रशासनमाथि जनदबाब परिरहेको छ ।
यो भाइरस जनावरबाट फैलिय स्थल वारे प्रयोगशालाबाट लिक भएको भन्ने विषयमा पनि स्पष्ट जाँच गर्न उनले गुप्तचर निकायहरूलाई निर्देशन दिएको बुझिएको छ । बाइडेनले यस छानवीनमा सहयोग गर्न अन्तर्राष्ट्रिय समुदाय सँग अपिल गरेका छन् । ‘अमेरिकाले विश्व भरका ती देशहरु सँग सहयोग जारी राख्नेछ, जसले भाइरसको छानविन सही ढंगले गर्न चाहेका छन् । यसबाट चीन माथि पारदर्शी हुन र अन्तर्राष्ट्रिय जाँचमा सहभागी हुनका लागि दबाब पर्नेछ ।’
अघि अमेरिकाको संक्रामक रोग विशेषज्ञ डाक्टर एन्थोनी फाउचीले विश्व स्वास्थ संगठन (डब्ल्युएचओ) सँग कोरोनाको उत्पति बारे छानविन अघि बढाउन माग गरेका थिए ।
डाक्टर फाउचीले भाइरसका बारेमा अहिले सम्म शत प्रतिशत थाहा नभएका कारण जाँच जरुरी रहेको बताएका थिए । कोभिड रेस्पोन्सका लागि ह्वाइट हाउसका वरिष्ठ सल्लाहकार एन्डी स्लाविटले वास्तविकता बाहिर ल्याउनका लागि डब्ल्युएचओको सहयोग आवश्यक रहेको बताएका थिए ।