विभिन्न समयमा चीनको नीति माथि बैचारिक रुपमा आवाज उठाउदै आएका राष्ट्रिय एकता अभियानका अध्यक्ष विनय यादवले चीन नेपाललाई तिब्बत बनाउने षड्यन्त्र गरिरहेको आरोप लगाएका छन् ।
राष्ट्रिय एकता अभियानद्धारा हालै सिरहाको लहानमा आयोजित चिनियाँ विस्तारवाद, जिहादी अतिवादको असर र समाधान’ विषयक विचारगोष्ठीमा बोल्दै यादवले उक्त आरोप लगाएका हुन् ।
उत्तरी सीमा क्षेत्रमा भूमि कब्जा, एयरपोर्टलाई बीआरआईको चर्को ब्याजदरद्वारा चीनले नेपाललाई तिब्बत बनाउने विभिन्न षडयन्त्रको जालो बुनेको गम्भीर आरोप उनले लगाए । नेपालसँग सम्बन्धमा चीनले मनपरी गरेको र चीनले आठ महिना बितिसक्दा पनि नेपाली राजदूतको आहोदाको प्रमाण पत्र नबुझेकामा उनले आपत्ति जनाए। चीनको नेपाल प्रति हेपाहा प्रवृत्तिको संगठित भएर विरोध गर्नुपर्छ, उनले भने।
नेपाली समाजमा व्याप्त कुसंस्कार र राजनीतिक दलको संवैधानिक विचलनबाट देशमा आज संकटको भुमरीमा परेर विभिन्न शंका उपशंकाहरु उत्पन्न भएको संविधानसभा सदस्य तथा कार्यक्रमका विशिष्ठ अतिथिको रुपमा उपस्थित भएका बीपी यादवले बताए । चीनले अनावश्यक नेपाललाई ऋणको जालमा फसाइरहेको र आउने दिनमा श्रीलंका जस्तो देशको हालत बनाउन चीनको मनसाय रहेको उनले बताए ।
मधेशमा मुस्लिम दाजुभाइहरूलाई विदेशी मौलानाहरूको माध्यमबाट जिहादी अतिवादीको प्रशिक्षण प्रदान गरी समाजमा साम्प्रदायिक दंगा गराउने योजना अनुरूप कार्य भइरहेको र यस्ता असामाजिक तत्त्वबाट सचेत रहनु पर्ने उनले बताए ।
कार्यक्रम अविनाश गुप्ताको अध्यक्षतामा सम्पन्न भएको थियो । स्वागत भाषण अनुपमा झा, महिला अधिकारकर्मी रीता महतो, अभियानका सदस्य मनोज पासवान, समाजसेवी भरत साह, प्राध्यापक कन्हैया भट्ट, व्यवसायी राजु मण्डल लगायतले कार्यक्रममा मन्तव्य राखेका थिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन