बारा, ७ वैशाख । यही वैशाख १० गते आईतवारका दिन हुन गईरहेको उपनिर्वाचनमा बारा क्षेत्र नम्वर २ को सडक, गल्लि र चोकहरू चुनाव चिह्न अंकित पोस्टर र झण्डाले भरीभराउ छन् ।
उम्मेदवारको प्रचारमा गुडेका गाडीहरू सडकमा पुगेका जति सबै ठाउँमा पुगिरहेका छन् । यसअघि यहाँ कहिल्यै नदेखिएका मान्छेहरू पनि ४२ डिग्रीको गर्मीको तातो हावा सहेर मत माग्दै हिडेका हुन् ।
कलैया सहित उपनिर्वाचन हुने क्षेत्र वरपरका थोरै टाठाबाठाले आफ्नो खबर चुनावसँगै जोड्ने गर्छन् । उनीहरूको साझा खबर छ, ‘चुनाव बा !’ तर भारत सँग सीमा जोडिएको सुवर्ण गाउँपालिका–७ फूलबरियाका सुकरात अन्सारीलाई अहिले सम्म चुनावले छोएको छैनन् ।
पटक पटक नेताहरु आउँछन् राम्रो राम्रो विकास गरिदिन्छु, रोजगारीको समुचित व्यवस्थापन गराउछौं तर ति कुरा सबै चुनावको वेला सम्म मात्रै हुन्छ, जितिसकेपछि फकेर आउदैनन् चुनावको वेलामा मात्रै देखापर्नेहरुलाई के को मत दिने उनले उल्टै प्रश्न गरे । दशगजा नजिकै बाँसको टहरामा भेटिएका अन्सारीलाई चुनाव प्रति उति चासो पनि देखिएन । बरु चुनावको प्रसंगमा अन्सारीले पाँच महिना अगाडि (गत ४ मंसिरमा) मत दिंदा नेताहरूले गरेको वचन सम्झिए ।
‘हामीसँग नागरिकता छ, बालबच्चासँग छैन । त्यो दिलाइ दिन्छौं भनेर मत मागेको हो नि’, अन्सारीले भने । उनीसँगै बसिरहेका सुवरत मियाँ, असरमा खातुन, शिलादेवीहरूले पनि अन्सारीकै भनाइमा साथ दिए । ‘भोट ले के गइल, फिर घुमके न आइल’, सुवरतले गुनासो गरे ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन