रौतहट, ११ वैशाख । रौतहटको वन जंगलमा डढेलो लागेको कारण जंगली जनावरहरुको बथान सडक छेउछाउमा देखिनथालेका छन् ।
वन डढेलोको कारण जंगली जनावरहरु सुरक्षित बासस्थानको खोजीमा धनसरको सडक छेउमा हरिणको बथान देखिन थालेका हुन् ।
डिभिजन वन चन्द्रनिगाहपुर अन्तर्गत पर्ने तुरतुरे र लमाहा क्षेत्रको जंगलमा बन्यजन्तुहरुको बासस्थान रहेको पाइन्छ । त्यसक्षेत्रमा डढेलो लागेपछि हरिण, बँदेल, खरायो, निलगाई, बाघ जस्ता वन्यजन्तु सुरक्षित बासस्थानको खोजीमा राजमार्ग छेउछाउ आउन थालेका छन । उनीहरू सुरक्षित ठाउँ खोज्दै चुरे क्षेत्रसम्म पुग्ने गरेको वनका कर्मचारीहरू बताउँछन ।
तुरतुरे वनमा पाटे बाघको बासस्थान रहेको छ । डढेलो र शिकारीले बन्यजन्तुलाई समस्या पारेको सहायक वन अधिकृत रामप्रसाद साहले बताए । वनमा बाघ, चितुवा, लगायतका वन्यजन्तु देखिन्थे । अहिले राजमार्ग छेउछाउम भेटिन्छन । वन्यजन्तुलाई चैत, वैशाखमा लाग्ने डडेलो र शिकारीबाट ज्यान जोगाउने सकस हुने सहायक वन अधिकृत साहको कथन रहेको छ ।
डढेलोको तप्काबाट जंगलमा साना रुखको पात र झाडी डढेर टाढा टाढा सम्म वन्यजन्तुको गतिबिधि देखिन्छ जसका कारण शिकारीले गोली हानेर मार्ने क्रम बढ्दो छ ।
वन क्षेत्रमा लागेको डढेलोको कारण वन्यजन्तुहरुलाई संरक्षण एवं हेरचाह गर्न डिभिजन वन कार्यालयबाट खासै पहल नहुँदा वन्यजन्तुको चोरी शिकारी बढ्दै गएको आरोप स्थानीय बासिन्दाहरुले लगाए ।
यसबिषयमा डिभिजन प्रमुख सुनिल कर्णले हामी आफनो कर्मचारीलाई खटाएर भ्याए सम्मको हेरचाहमा जुटेका छौं तर चोरी शिकारी गर्नेहरु माथि सुक्ष्म निगरानी राखेपनि यदाकदा घटनाहरु भईरहेकोमा चिन्ता व्यक्त गर्दै अहिले काठ जोगाउने, वन्यजन्तुलाई संरक्षण गर्ने लगायतका मात्रै कामहरु भईरहेको हुँदा वन कर्मचारीबाट हुने आवश्यक सबै पहलमा कुनै कसर बाँकी नराखेको हुँदा स्थानीय बासिन्दाहरु पनि वन कर्मचारीलाई समयमै सुचना दिएर वन्यजन्तुको शिकार हुनबाट जोगाउन आग्रह गरे ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन