पोखरीमा डुवेर महिलाको मृत्यु

तराई टप संवाददाता
रौतहट, २० जेठ । रौतहटको गढीमाइमा विहिबार विहान पोखरीमा डुवेर एक महिलाको मृत्यु भएको छ ।
गढीमाई नगरपालिका ४ संग्रामपुरको सुबोध राय यादवको २८ बर्षिया श्रीमति किरण यादवको विहिबार बिहान ३ बजे घर नजिकै रहेको पोखरीमा डुबेर मृत्यु भएको स्थानियले बताएको हो ।
मृतक किरण यादव राती सकुशल नै सुतेको तर बिहान ३ बजेतिर निस्केको हुन सक्ने आशंका स्थानियले व्यक्त गरे । मानसिक रोगी रहेका यादवको बिहान खोजतलास गर्दा घर नजिकै रहेको पोखरीमा मृत अबस्थामा फेला परेको मृतकका श्रीमान सुबोधले बताए । मृतक महिलाको शवलाई पोष्टमार्टम गर्नका लागि गौर अस्पताल लगिएको इलाका प्रहरी कार्यालय गरुडाले जनाएको छ ।