महोत्तरी, १४ वैशाख । महोत्तरी जिल्लाको सोनमा गाउँपालिका स्थित ससुराली घरमा ज्वाइँको हत्या गर्ने प्रयास भएको रहस्य खुलेको छ ।
महोत्तरीको सोनमा गाउँपालिका वडा नं. ४ घर भएका २८ वर्षीय सन्तोष झाको हत्या असफल प्रयास भएको रहस्य खुलेको हो ।
सोनमा गाउँपालिका वडा नं. १ स्थित ससुराली घरमा झालार्ई काम विशेषले बोलाइएको थियो । झा दिउँसो पुगेपछि ससुरा हिरण ठाकुर, सासू नगिना ठाकुर, सालो धर्मेन्द्र ठाकुर, ससुरा नातामा पर्ने घनश्याम ठाकुर लगायतका व्यक्तिहरुले टाउकोमा ठोस बस्तु प्रहार गर्नुका साथै घाँटी च्यापेर हत्या गर्ने प्रयास गरेको पिडित परिवारले जनाए ।
घटनापछि फरार रहेका ससुरा हिरण र सासु नगिनालाई दुई दिनपछि प्रहरीले पक्राउ गरेको थियो । सासू ससुरामाथि ज्यान मार्ने उद्योग मुद्दा दर्ता गरी थप अनुसन्धान गरिरहेको इलाका प्रहरी कार्यालय गौशालाका प्रहरी निरीक्षक मनोज यादवले जानकारी दिए ।
घरायसी विवादमा ज्यान लिने प्रयास गरेकोे बताइएको छ । उनले घटनामा आफ्नी श्रीमती सरिता ठाकुरको समेत संलग्नता रहेको बताउँदै सन्तोषले घटनामा संलग्न रहेकहरु माथि कारबाहीको माग गरेका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन