नक्कली नेपाली नोट कारोबारीहरुको हब बन्दै मधेश प्रदेशको सीमावर्ती जिल्लाका क्षेत्रहरु

87 Shares

तराई टपको विशेष रिपोर्ट

अबैध रुपमा नक्कली नेपाली नोट कारोबारीहरुको हव बन्दै गएको छ मधेश प्रदेशका सीमावर्ती जिल्लाहरु ।
नेपाली नक्कली नोटको कारोवार गर्नेहरुको संख्या मधेश प्रदेशको सर्लाही, महात्तरी, धनुषा सहितको जिल्लामा ह्वातै बढेर गएको छ जसकारण त्यस्ता कारोवारीहरुको अहिले मधेश प्रदेश हब बन्दै गएको पछिल्लो समयमा पक्राउ परेका प्रमाणहरुले पुष्टि गरेको हो ।
मधेश प्रदेशको सीमावर्ती क्षेत्रबाट यसप्रकारको अबैध रुपमा नोटको प्रिन्ट गरेर बजारमा पठाउने ठूलो गिरोह नै सक्रिय रहेको पाइएको श्रोतले बताउँछन् । यस्ता कारोवार गर्नमा खप्पिस रहेका मुख्य कारोवारी पक्राउ पर्दैन तर केही भरियाहरुलाई प्रहरीले नियन्त्रणमा लिई कारवाही चलाएका छन् ।
गत चैत महिनामा सर्लाही प्रहरीले नक्कली नेपाली नोटको ओसारपसार गर्ने १० जनालाई नियन्त्रणमा लिएर कारवाही चलाए । सर्लाहीबाट मात्रै चैत १३ गते बरथवा नगरपालिका १७ वागमती सिंचाईको नहरको डिलमा विआर ३०एम ३८२५ मोटरसाइकल चलाउने बलरा नगरपालिका अर्नाहाका ३० बर्षिय रामप्रसाद साहले बोकेको झोलाबाट एक हजारको २६८ थान अर्थात (दुई लाख ६८ हजार) नेपाली नक्कली नाट सहित पक्राउ गरेका थिए ।
उक्त झोलाबाट एक हजारको नोट प्रिन्ट गर्न कटिंग गरिएको २४ बण्डल कागज, प्रिन्टर पेपर २ रिम, १ बण्डल पत्रिका तथा निजकै लोकेशनको आधारमा केही पर रहेका बिआर ३०ए ५९६८ नम्वरको मोटरसाइकल बरामद गरेको जिल्ला प्रहरी कार्यालय सर्लाहीका एसपी नरेशराज सुवेदीले बताए ।
एसपी सुवेदीका अनुसार बैशाख ५ गते लालबन्दी स्थित दुर्गा मन्दीर छेउको बाटोमा थुपारिएको फोहरमा १ हजार थानको ५३० थान अर्थात पाँच लाख ३० हजार नक्कली नोट बरामद गरियो । त्यही फोहरमा १ हजारको नोट प्रिन्ट गर्न कटिंग गरिएका ६ सय थान कागज फेला पर्दा सर्लाही सहित मधेश प्रदेशका अन्य जिल्लाहरुमा नक्कली नोटको प्रचलन एवं कारोवारी भईरहेकोमा चिन्ता व्यक्त गरे ।
अहिले सम्म १० जना भन्दा बढि मानिसलाई समातेर कानुनी दायरामा ल्याइसकेको तथा नक्कली नोटको मुख्य कारोवारी समक्ष पुग्न हामी प्रयासरत छौ, उनले भन्दै अबैध कारोवारलाई पूर्ण रुपमा निष्तेज पार्न लागिपरेको एसपी सुवेदीले स्पष्ट पारे ।
यसैगरी गत सोमवार धनुषाको जनकपुरधामको जिरोमाइल स्थित शंकाको आधारमा एक महिलाले बोकेको झोलालाई चेकजाँच गर्दा ७ लाख ७१ हजार ५ सय नक्कली नेपाली नोट सहित धनुषा प्रहरीले पक्राउ गरेको छ ।
फोटोकपी गरिएको र सजिलै ठम्याउन सकिने नेपाली नक्कली नोट ती महिलाले भारतबाट ल्याएर जनकपुर बजारमा चल्नचल्तीमा ल्याउन खोजेकी थिइन् । जिल्ला प्रहरी कार्यालय धनुषाका प्रवक्ता डीएसपी बेदप्रसाद गौतमले धनुषा, बिदेह नगरपालिका ६ बस्ने २५ वर्षीया अनुकुमारी साहलाई नक्कली नोट सहित पक्राउ गरिएको बताए ।
साहले भारतबाट ल्याएको नक्कली नेपाली नोटमध्ये १० हजार रुपैयाँ जनकपुरका एक युवकलाई दिएको स्वीकारेकी डीएसपी गौतमले भने ।
पक्राउ परेपछि मात्रै नक्कली नेपाली नोटको कारोवार भईहरेको पुष्टि भएको छ तर चलनचल्तिमा आइसकेका उक्त नक्कली नोट सध्य व्यक्तिको हातमा परेपछि किनमेलको क्रममा पक्राउ परेमा त्यसको जिम्मेवारी को होला ? भने प्रश्न खडा भएको छ । मधेशका प्राय जिल्लाहरुमा नक्कली नोटको कारोवार भईरहेको हुँदा नेपाल सरकार गम्भीर भएर मुख्य कारोवारीलाई नियन्त्रणमा लिई हदै सम्म कारवाही गर्न रौतहट जेष्ठ नागरिक संघका अध्यष विजयकिशोर झाले सुझाव दिए ।
अबैध नक्कली नोटको हब बन्नबाट जोगाउन संघिय, प्रदेश र स्थानीय सरकार सहित अपराध अनुसन्धानमा खटिने प्रहरीलाई परिचालन गरेर कारोवारलाई रोक्नुपर्ने अन्यथा अबैध नोटको हब बन्ने जसलाई नियन्त्रण गर्न सम्बन्धित निकायलाई निकै धौं धौं पर्ने उनले आग्रह गरे ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।