वागमती नदीको कटानबाट ३३ बर्ष अघि विस्थापित भएका अति विपन्न र न्यून आय भएका ३२ घरपरिवारलाई दुर्गा भगवती गापाद्धारा जग्गा वितरण

   २८ जेष्ठ २०७८, शुक्रबार १४:५१  

तराई टप संवाददाता
रौतहट, २८ जेठ । वागमती नदीको कटानबाट ३३ बर्ष अघि विस्थापित भएको अति विपन्न तथा न्यून आय भएका ३२ परिवारलाई दुर्गा भगवती गाउँपालिकाले जग्गा खरिद गरी बसोबास गराएको छ ।
साविक बडहर्वा गाविस तथा हाल दुर्गा भगवती गाउँपालिकाको वडा नम्वर ५ वडहर्वा गाउँ वागमती नदीमा आएको बाढी पछि कटानमा परेर २०४५ सालमा उठिवास भई विस्थापित भएका मध्ये ३२ जना वाँधमै बसेर गुजारा गर्दै आएकाहरुलाई पालिकाबाट जग्गा खरिद गरेर बसोबास गराइएको हो ।
नदी कटानको चपेटामा परेरे गण्डक नहरको डिल र वागमती नदीको बाँधमा फुसको छाप्रो बनाएर ३३ बर्ष देखि जिवन निर्वाह गर्दै आएका ति परिवारहरुलाई उचित बाँस बस्ने व्यवस्थापन गराउने उद्देश्यबाट गत बर्ष नै जग्गा खरिद गरिएका थिए । तर उनीहरु मध्ये आवश्यक रहेको ३३ घर परिवारलाई पुग्ने गरी निशुल्क जग्गा उपलब्ध गराएपछि अहिले धमाधम घर बनाउन सक्रिय रहेका छन् ।
स्थानीय सरकारले जग्गा दिए पछि लामो समय देखि दुख कष्ट झेल्दै आएको परिवार अहिले निकै हर्षित भएको स्थानीय कौशिल्या देवीले भनिन् । अब घर बनाउन सुरु गरेको देखाउँदै गाउँगाउँमा सिंह दरबार आएको बल्ल महसुस उनले गरिन ।
अति विपन्न तथा न्युन आय भएका ति परिवारलाई विहान वेलुकी छाक टार्न निकै गाह्रो भइरहेको अवस्थामा जग्गा खरिद गरेर घर निमार्ण गर्ने सपना जस्तो लागेको थियो कोशिल्याले भनिन । स्थानीय सरकारले हामीहरुको सपना पुरा गरेर अहिले सुरु हुने मनसुनमा टाउको छोप्न घर निमार्णमा जुटेको स्पष्ट पारिन ।
दुई बिग्हा जग्गा खरिद गरी व्यवस्थित बसोबासका लागि १३ फिटको बाटो सहित प्रति व्यक्ति सात धुरको दरले ३२ परिवारलाई जग्गा वितरण गरिएको पालिका अध्यक्ष अरुणकुमार साहले बताए ।
नदी कटानमा परेर ३३ बर्ष सेद विस्थापित जिवन विताउन बाध्य रहेको अति विपन्न एवं न्यून आय भएका ति परिवारहरुलाई जग्गा वितरण गरेर बाँकी रहेको करिब १ विग्हा जग्गामा माध्यमिक स्तरको विद्यालयको भवन निमार्ण कार्य समेत दु्रत गतिमा भईरहेको उनले भने । जग्गा पाएपनि कतिपयले घर निमार्ण गर्न नसक्ने अवस्थामा रहेकोले आउँदो आर्थिक वर्षमा घर निमार्ण रकम प्रदान गरी घर बनाइदिने योजना रहेको गाउँपालिका अध्यक्ष साहले प्रतिबद्धता जनाए ।

फेसबुकबाट तपाईको प्रतिक्रिया सबै