तराई टप संवाददाता
रौतहट, २८ जेठ । अत्याधिक गतिमा आएको हावाहुरीबाट रौतहटको गुजरा नगरपालिकामा ४ भन्दा बढि घरको छानाहरु उडाएको छ ।
शुक्रवार मध्यान्न १२ बजेको समयमा अत्याधिक गतिमा आएको हावाहुरीले गुजरा नगरपालिका ३ स्थित नयाँ टोलमा खपडा, टायल, खरले छाएको ४ भन्दा बढि घरको छाना उडाएर क्षतिग्रस्त बनाएको हो ।

स्थानीय बासिन्दा विनोद माझीको अनुसार करिव १० मिनेट सम्म चलेको हावाहुरीले गोपाल माझी, शंकर माझी, जोगेन्द्र माझी र चन्देश्वर रामको घरको टायल र खपडाले छाएको छाना उडाएर क्षतिग्रस्त बनाएको छ । १२ घरको खर र बासबाट बनाइएको पर्खालको भित्ताहरु भत्काएर क्षति पुर्याएको उनले बताए ।
दिउसो खाना खाने समयमा हावाहुरी आएकाले मानवीय क्षति नभएपनि स्थानिय गोपाल माझीलाई सामान्य हातमा चोट लागेको उनले भने । गुजरा नगरपालिकाका जंगलसैया, बलुवा लगायत रौतहटका विभिन्न स्थानमा सो हावाहुरीले धेरै प्रभाव पारेको उनले बताउदै वन क्षेत्रमा रुखहरु समेत हावाहुरीबाट ढलेको बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन