तराई टप संवाददाता
रौतहट, ३१ जेठ । आफनै श्रीमानद्धारा एसिड आक्रमणको शिकार बनेकी दिपिका विकलाई तिन जना समाजसेवीले सहयोगी हात अघि बढाएको छ ।
एसिड आक्रमणबाट घाईते बनेकी विकलाई घरजग्गा व्यवसाय गर्दै आएको चन्द्रपुर निवासी देवेन्द्र अर्यालले २१ हजार, महिला अधिकारकर्मी देवकी नेपालले अस्पतालमा अहिले सम्म खर्च भएको नगद १० हजार र मेचि महाकाली वुहारी संयुक्त आवाज समुहकी प्रदेश २ को संयोजक पुजा पाठक तिमलसिनाले एम्बुलेन्स भाडा वापतको रकम सहयोग गरेको पिडित विकले जानकारी दिएको हो ।
चन्द्रपुर ४ निवासी सुनचाँदी पसल गरेका व्यवसायी ४२ बर्षिय दिपक विकले पारिवारिक झै झगडाको कारण ३८ बर्षिय श्रीमती दिपिका माथि शनिवार साँझ ६ बजेको समयमा एसिडबाट आक्रमण गर्दा उनी घाईते भएका थिए । पिडिता विकको हाथ, पेट र मुखमा एसिडले डढेको हुँदा उनको चन्द्रपुर स्थित एपोलो सिटीमा उपचार भईरहेपनि समुचित उपचारको लागि काठमाडौंको किर्तीपुर स्थित अस्पतालमा सोमवार रेफर गरिएको छ ।
एसिड आक्रमणमा परेर घाइते भएकी विकलाई उपचार गर्नमा केही सहयोग भएपनि राहत होस् भनेर आफुहरुले सो सहयोग गरेको उनीहरुले बताए । मानिस भएर एक–अर्कालाई दुःखमा सहयोग गर्नु नै मानविय धर्म भएको महिला अधिकारकर्मी नेपालले भनिन ।
महिला माथि हुने अन्याय अत्याचारको विरुद्वमा लगातार लागि परेका महिलाकर्मी द्वय नेपाल र पाठकले आफुहरु दिपिकालाई न्याय दिलाउने र जघन्य अपराध गरेका श्रीमान दीपकलाई कडा भन्दा कडा कारवाही गराउन यथोचित पहल गर्ने बताइन । सामान्य विवाद पछि बाहिर निस्केका श्रीमान फर्किएर आउँदा पछाडी बोतलमा लुकाएर ल्याएको एसिड छ्याप्न खोज्दा उनले देखेर खोस्ने क्रममा हाथ, पेट र मुखमा परेको पीडित दिपिका ले बताइन् ।
घटना भए लगतै प्रहरीले घाईते दिपिकाकी श्रीमानलाई नियन्त्रणमा लिए । जिल्ला अदालत गौर बाट सोमवार ८ दिनको म्याद थप गरी आवश्यक अनुसन्धान एवं कारवाहीको प्रक्रिया अघि बढाइएको इलाका प्रहरी कार्यालय चन्द्रपुरका डिएसपी लिलाराज लामिछानेले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन