राधेश्याम कुशवाहा
सर्लाही, २९ वैशाख । सर्लाही जिल्ला संग सीमा जोडिएका नेपाली क्षेत्रमा मोवाइल नेटवर्कको लागि तिन वटा टावर निर्माण हुने भएको छ ।
सर्लाही जिल्लाको क्षेत्र न. ४ (२) को सिमावर्ती क्षेत्रमा नेपाल टेलिकमको ३ वटा टावर निर्माण हुने भएको हो ।
प्रदेश सांसद फकिरा महतो को पहलमा क्षेत्र न. ४ (२) का ३ वटै स्थानिय तहको सिमावर्ती क्षेत्रमा एक–एक टावर निर्माण हुन लागेको बताइएको छ । बिष्णु गाउँपालिका वार्ड न.३ मधुवन बजार, गोडैता नपा वार्ड न.२ पिपरनाथ र बलरा नपा वार्ड न. ६ मिर्जापुरमा मोवाइल नेटवर्कको निकै समस्या रहेको हुँदा टावर निर्माण हुन लागेको साँसद महतोको निकट मानिने विजय महतोले जानकारी दिए ।
क्षेत्रवासीलाई नेटवर्कको समस्याबाट राहत पाउन र सबै जनतामा मोबाईल, इन्टरनेटको सहज पहुँच पुर्याउन टावर निर्माणका लागि पहल गरेको प्रदेश साँसद फकिरा महतोले बताए । क्षेत्रमा धरदैलो तथा जनतासंग भेटघाट गर्दा मोबाईलमा नेटवर्क नआउने र कहि आएपनि फोरजी नचल्ने जस्ता गुनासो सर्वधारणबाट पटक पटक आउने गरेका थिए, उहाँले भने ।
जनताको समस्यालाई समाधान गर्न जनप्रनिधिको पहिलो कर्तव्य रहेको बताउदै टावर निर्माणका लागि संचार तथा सुचना प्रविधि मन्त्रालयसंग पहल गरेपछि अहिले ३ वटा टावर निर्माण हुन लागेको छ । मैले क्षेत्रमा रहेका नेटवर्क समस्यालाई लिएर ९ वटा टावरको माग गरेका थिए, उहाँले भने । अहिले ३ वटा टावरको निर्माणका लागि स्विकृति भएको छ । बाँकी रहेका ६ वटा टावर समेत चाँडै स्विकृति पाउनेमा आशावादी रहेको उनले जिकिर गरे ।
सर्लाहीका सिमावर्ती क्षेत्रमा जनताहरु अहिले पनि मोबाईलमा नेटवर्क नआउने समस्याले पिडित रहेको स्थानियवासीहरु बताउँछन । मोबाईलमा नेटवर्क नआउने, आएपनि प्रस्ट कुरा नहुने, इन्टरनेट नचल्ने जस्ता समस्याले गर्दा सिमावर्ती क्षेत्रमा नागरिक पिडित रहेको स्थानिय हिमांशु सिंहले तराई टपलाई बताए ।
नेटवर्कको समस्याले गर्दा सिमावर्ती क्षेत्रका मानिसहरुलाई मोबाईलमा इन्टरनेट चलाउन भारतीय सिम जियो र एयरटेल प्रयोग गर्नुपरेको बाध्यता रही आएको उनको गुनासो रहेको छ । सिमावर्ती क्षेत्रमा नेपाल टेलिकमको टावर निर्माणले नेटवर्कसंग सम्बन्धि हरेक समस्यासंग सर्वसाधारणले राहत पाउने र मोबाईल इन्टरनेटबाट बाहिर रहेका नागरिकलाई सुचना तथा संचारमा पहुँच पुर्याउने अपेक्षा गरिएको हो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन