कोलम्बो, २९ असार । एसिसी इमर्जिङ एसिया कपमा नेपाल पाकिस्तान ए संग ४ विकेटबाट पराजित भएका छन् ।
श्रीलंकाको कोलम्बो स्थित कोलम्बो क्रिकेट क्लबमा टस जितेर पहिले ब्याटिङ गरेको नेपाल ३७ ओभरमा १७९ रनमा अलआउट भएर १८० रनको लक्ष्य पाकिस्तानलाई दिए ।
नेपालले दिएको १८० रनको लक्ष्य पाकिस्तानले ३२.५ ओभरमा ६ विकेट गुमाएर लक्ष्य पुरा गर्दै नेपाल ४ विकेटबाट पराजयको सामना गर्नु परेकका हुन् ।
पाकिस्तानका लागि मोहमद ताहिरले ५१ रन र ओमर बिन युसुफले ३६ रन तथा कमरन गुलामले ३० रन बनाए । बलिङमा नेपालका ललित राजवंशीले ३ विकेट र पवन सराफले २ विकेट हात पारे ।
श्रीलंकामा हिजोदेखि सुरु एसिसी इमर्जिङ टिम्स एसिया कपमा नेपाल बाहेक अरु देशका सिनियर टिमले प्रतियोगितामा भाग लिएका छैनन् । नेपाल बाहेकका टिमले युवा खेलाडी समेट्दै ‘ए’ टिम बनाएर प्रतियोगितामा सहभागी भएका छन् ।
एसियाली क्रिकेट काउन्सिल (एसिसी) ले एसियाका एसोसिएट टिमलाई एक्सपोजर दिने उद्देश्यले आयोजना गर्ने प्रतियोगितालाई नेपालले एसिया कपको तयारीको रुपमा लिएको छ । अब नेपालले दोस्रो खेल भारत ‘ए’ टिमसँग साउन १ मा खेल्नेछ । यस्तै युएईको ‘ए’ टिमसँग नेपालको खेल साउन ३ मा हुनेछ ।
दुई समूहका शीर्ष दुई टिम सेमिफाइनलमा पुग्नेछन् । प्रतियोगिताको फाइनल साउन ७ मा हुनेछ ।
समूह ए – श्रीलंका ए, बंगलादेश ए, अफगानिस्तान ए, ओमान ए
समूह बी – पाकिस्तान ए, भारत ए, नेपाल, युएई ए
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन