काठमाडौं, १८ साउन । चिनियाँ नागरिकहरुको अबैध कारोबारको स्थल काठमाडौं बन्दै गएको पछिल्ला केही गतिविधिबाट पुष्टि गरेको छ ।
त्रिभुवन अन्तरराष्ट्रिय विमानस्थलबाट १ लाख युआन सहित एक चिनियाँ नागरिकलाई प्रहरीले पक्राउ गर्न सफल भएका छन् ।
५८ वर्षीय चिनियाँ नागरिक होङग होङगलाई त्रिभुवन अन्तरराष्ट्रिय विमान स्थलबाट बुधवार नेपाली सुरक्षाकर्मीहरुले पक्राउ गर्न सफल भएका हुन् ।
अवैध रूपमा लुकाई छिपाई बाह्य मुलुकतर्फ लैजान लागेको सो रकमसहित उनलाई हिजो बिहान प्रहरीले पक्राउ गरेको छ ।
एयर चाईनाको उडानद्वारा काठमाडौंबाट चीनको छेन्दु प्रस्थान गर्न लागेका उनलाई विमानस्थलको अन्तरराष्ट्रिय उडानतर्फको प्रस्थान ह्याण्ड ब्यागेज चेकिङ एरियामा जाँच गर्ने क्रममा उनको झोलाबाट उक्त एक लाख चिनियाँ युआन बरामद भएको बताइएको छ ।
उनलाई आवश्यक अनुसन्धान तथा आवश्यक कानुनी कारवाहीको लागि राजश्व अनुसन्धान विभाग हरिहरभवन पुल्चोक ललितपुर पठाइएको प्रहरीले जनाएको छ ।
स्मरण रहोस की पछिल्ला समयमा चिनियाँ नागरिकहरु अबैध कारोबारको सुरक्षित स्थलको रुपमा नेपालको राजधानी काठमाडौंलाई ट्रान्जिटको रुपमा प्रयोग गर्दै आएको छ । साउनको पहिलो साता हंगकंगबाट एक क्यून्टल सुन प्रकरणमा पनि चिनियाँ नागरिकको संलग्ता रहेको पाइएको र अहिले चिनियाँ युआन नोट सहित बरामद हुनुबाट चिनियाँ नागरिकहरुको अबैध कारोवारको नौलो गन्तव्यको रुपमा काठमाडौं हुदै गएको पुष्टि गरेका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन