सिआइबीको अपरेशन ‘फक्सट्रट चार्ली’ अन्तर्गत वागमती हस्पीटलका चिकित्स यादव पक्राउ

नक्कली शैक्षिक प्रमाण पत्र भएका चिकित्सक संग सर्वसाधारण जनताहरुलाई उपचारको आडमा

लुट्ने प्रवृति माथि वागमती हस्पीटल प्राली पिपराबजार माथि गम्भीर प्रश्न चिन्ह खडा भएको छ ?

रौतहट, २६ साउन । रौतहटको दुर्गा भगवती गाउँपालिकाको पिपराबजारमा संचालित बागमती हस्पीटल प्रालीमा कार्यरत एक जना डाक्टरलाई नक्कली शैक्षिक प्रमाण पत्र प्रकरणमा पक्राउ परेका छन् ।
सिआइबीले विहिवार रौतहटको दुर्गा भगवती गाउँपालिका वडा नम्वर १ पिपरा बजारमा संचालित रहेका वागमती हस्पीटल प्रालीमा कार्यरत रामबाबु यादवलाई पक्राउ गरेका हुन् ।
सिरहाको लहान घर भएका जेनरल फिजिसियन यादव बंगलादेशबाट चिकित्सको अध्ययन गरेपनि निजको शैक्षिक प्रमाण पत्र छानविनको क्रममा नक्कली पाएपछि सिआईबीले छानविन सुरु गरेको छ । वागमती हस्पीटल प्राली पिपरा बजारमा नक्कली चिकित्सकलाई राखेर संचालक पक्षले गरिव असहाय विरामीहरुलाई ठगि गरिरहेकै वेला त्यसमा कार्यरत चिकित्सक नक्कली प्रमाणपत्र धारी निस्किएपछि हस्पीटल माथि प्रश्न चिन्ह खडा भएका छन् ।
यस्तै हिजो नै सिआइवीको टोलीले संघिय राजधानी स्थित त्रिवि शिक्षण अस्पतालमा कार्यरत डा. अमित चौधरी, महोत्तरीका डा. रञ्जितकुमार यादव, डा. एरिना शाहलाई पक्राउ गरेको थियो ।
नक्कली शैक्षिक प्रमाणपत्र बनाउने कार्यमा संलग्न थप दुइ जना डाक्टर पक्राउ परेका छन् । प्रहरीको केन्द्रीय अनुसन्धान व्युरो (सिआइबी) का प्रवक्ता प्रहरी उपरीक्षक नवराज अधिकारीका अनुसार काठमाडौं स्थित इशान बाल अस्पतालमा कार्यरत चिकित्सक श्रद्धा शिल्पकार र मोरङका चिकित्सक मनित चौधरी पक्राउ गरेको बताइएको छ ।
शिल्पकारलाई बिहीबार राति काठमाडौंबाट पक्राउ गरिएको हो भने चौधरीलाई मोरङबाट पक्राउ गरिएको एसपी अधिकारीले जानकारी दिए । उनका अनुसार चौधरीले मोरङमा निजी क्लिनिक चलाउँदै आएका छन् ।
नक्कली शैक्षिक प्रमाणपत्र प्रकरणमा पक्राउ पर्नेको संख्या ७ पुगेको छ । सिआइबीले बिहीबार नै नेपाली कांग्रेसका सांसद सुनिल शर्मा पनि नक्कली शैक्षिक प्रमाणपत्र बनाएको आरोपमा पक्राउ गरिसकेका छन् ।
सिआइबीले शैक्षिक प्रमाणपत्र कीर्ते गरेको आरोपमा संलग्नहरूलाई पक्राउ गर्न अपरेशन ‘फक्सट्रट चार्ली’ चलाएको छ।