रौतहट, २३ असार । सामाजिक सुरक्षा भत्ताको विरुद्ध बैंक कर्मचारीहरु आन्दोलित भएका छन् ।
रौतहटको चन्द्रपुर नगरपालिकामा बुधवार विहान ८ बजे विभिन्न प्ले कार्ड व्यानर सहित विभिन्न बैंकमा कार्यरत कर्मचारीहरु सामाजिक सुरक्षा भत्ताको विषयलाई लिएर आन्दोलित भएका हुन् ।
सामाजिक सुरक्षा कोषमा आफूहरुलाई जबरजस्ती आवद्ध गराई पाउदै आएको सेवासुविधा कटौती हुने भन्दै चन्द्रपुरमा रहेका सम्पुर्ण बैक तथा वित्तिय संस्थाका कर्मचारीहरु आन्दोलनमा उत्रिए । सामाजिक सुरक्षा कोष ऐन नियमावली तथा कार्यविधिमा बैंक तथा वित्तीय संस्था र बीमा कम्पनीका कर्मचारी युनियनहरूले संयुक्त रुपमा पेश गरेका सुझावहरूको सम्बोधन नगरिएकोमा आफुहरु विरोधमा उत्रिएको ग्लोबल आइएममी बैकका प्रबन्धक साजन प्रजापतिले बताए ।
कोषमा आवद्ध हुन नसकिने ५ वटा कारण देखाउँदै चन्द्रपुरका बैंकहरुका कर्मचारीहरुले बुधबार चन्द्रनिगाहपुर चोकमा नाराबाजी गर्दै विरोध प्रदर्शन गरेका छन । योजनाका कतिपय बुँदा कर्मचारीको हित हुने गरी परिमार्जन गर्नुपर्ने आवश्यकता देखिएको र हालको विभेदकारी व्यवस्थाले विगतका उपलब्धीहरु समेत गुम्ने खतरा रहेको हुनाले उक्त योजनामा कदापी संलग्न हुन नसकिने एभरेष्ट बैकका प्रबन्धक राजीव सिग्देलले स्पष्ट पारे ।
कोषमा आबद्ध भएपछि अन्तरराष्ट्रि श्रम संगठन (आइएलओ) को सन्धिमा भएको ब्यवस्था अनुसार यसअघि खाइपाइ आएको तलब घट्ने तथा सरकारी र निजी क्षेत्रका बैंक बीच विभेद सृजना हुने, सामाजिक सुरक्षा कोष र निवृत्तिभरण कोष ल्याएर पुनः विभेद गरिने, सरकारी कर्मचारीलाई भन्दा निजी क्षेत्रका कर्मचारीलाई सुविधा कम हुने बैकका कर्मचारीहरुले संघिय सरकार माथि गम्भीर आरोप लगाए । बैंकर्षहरुको माग पुरा नभए यसको परिणाम गम्भीर हुने समेत उनीहरुले चेतावनी दिएका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन