काठमाडौं, १५ भदौं । नेपाल भ्रमणमा आएका राष्ट्रिय रक्षा महाविद्यालय (एनडीसी) को टोली फर्किएका छन् ।
मित्र राष्ट्र भारत सहित जर्मनी, बंगलादेश, श्रीलंका, साउदी अरब, बेलायत र ओमानका निजामती सेवा तथा रक्षा बलका १६ वरिष्ठ अधिकारी सम्मिलित प्रतिनिधिमण्डलले पाँच दिने नेपाल भ्रमण सकाएर स्वदेश फर्किएका हुन् ।
गत आइतबार एयर भाइस मार्शल मनीष कुमार गुप्ताको नेतृत्वमा आएको टोलीले प्रधानमन्त्री पुष्पकमल दाहाल, रक्षामन्त्री पूर्णबहादुर खड्का, परराष्ट्रमन्त्री एनपी साउद र गृहमन्त्री नारायणकाजी श्रेष्ठ संग छुटाछुटै शिष्टाचार भेट गरेका थिए ।
टोलीले एनडिसीका भूतपूर्व विद्यार्थी एवं नेपाली सेनाका प्रधान सेनापति प्रभुराम शर्मासँग पनि भेट गरी द्विपक्षीय सैन्य सहकार्यका विषयमा छलफल गरेको थियो । टोलीले पोखरा स्थित पश्चिम पृतना मुख्यालयको भ्रमण गरी त्यहाँका वरिष्ठ अधिकारी सँग छलफल पछि जारी गरिएको विज्ञप्तिमा उल्लेख छ । राष्ट्रिय मार्ग तथा रणनीतिका बारेमा व्यापक पक्षहरु भएको वरिष्ठ रक्षा तथा निजामती सेवाका अधिकारीलाई प्रशिक्षण दिने एनडीसी विश्वकै प्रमुख प्रशिक्षण संस्था मध्येको एक रहेको बताइएका छन् । हालः सञ्चालन भइरहेको कोर्षमा नेपाली सेनाका तीन अधिकारी सहभागी रहेका छन् ।
सन् १९९२ यता नेपाली सेनाका प्रधान सेनापति प्रभुराम शर्मा सहित १८ बहालवाला नेपाली सेनाका अधिकारी र सेवानिवृत्त अन्य २४ जना अधिकारीले यस एनडीसीबाट प्रशिक्षण लिइसकेका छन् ।
प्रहरीको कन्ट्रोल कक्षमा फोन गर्दा अपशब्द भाषाको प्रयोगलाई लिएर प्रदेश प्रहरी कार्यालयको ध्यानाकर्षण
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट