रौतहट, १८ भदौं । एलआईसी नेपाल लिमिटेड कम्पनी नै फर्जि काम गरिरहेको गम्भिर आरोप एजेन्टले लगाएको छ ।
एलआईसी नेपाल लिमिटेडका मार्केटिंग अफिसर प्रकाश उपाध्यायले फर्जी कागजात तयार पारेर एजेन्टलाई कारवाही गर्ने जस्ता चेतावनी दिएको एक नक्कली पत्रबाट बुझिएको आरोप ति एजेन्टले लगाएको हो ।
एजेन्ट सत्येन्द्र पाण्डेका अनुसार मार्केटिंग अफिसर उपाध्याय कम्पनीको लेटरप्याड र सिइओ प्रणव कुमारको हस्ताक्षरलाई स्क्यान गरी एलआईसी नेपाल लिमिटेडको गौर ब्रान्चमा मेरो नाममा कारवाही स्वरुप लेटर पठाएपछि उक्त कार्यको पोल खुलेको उनले भने ।
बाहिर बजारमा प्रिन्ट गराई स्क्यान मार्फत सिइओको हस्ताक्षर राखेर विना चलानी नम्वरको पत्र म कहाँ कारवाही स्वरुप आउदा कम्पनीकै यस्ता जिम्मेवार पदाधिकारीद्धारा कम्पनीलाई बदमान गराउदै गैरकानुनी कार्यलाई बढावा दिएको उनले भने । कम्पनीलाई पान पसल वा आफनो घरको सम्झी यस्ता कार्यहरु गरेर कम्पनीलाई बदमान गराउदै आइरहदा जिम्मेवार पदाधिकारीहरु यस प्रकरणलाई गम्भीरतापूर्वक लिनुपर्ने एजेन्ट पाण्डले माग गरे ।
विगत १९ बर्ष देखि कम्पनीमा अभिकर्ता (एजेन्ट) को ०५८२६बी००६ नम्वरको कोडबाट काम गर्दै आउदा प्रशंसा पत्र, एमडीआरटी जस्ता अवार्डबाट सम्मानित भई १८२६ जना विमाधारीको विश्वास जितेको भएपछि म जस्ता अभिकर्तालाई एक चोटी बोल्ने मौका समेत नदिई यस्ता फर्जीवाडा कागजातको आधारमा मेरो कोड र सुविधालाई निलम्बन गर्ने प्रकाश उपाध्याय जस्ता कर्मचारीकै कारण एलआइसी नेपाल लिमिटेडको साख धरापमा परेको उनले गुनासो गरे ।
यस्ता फर्जी पत्र पठाउने र कम्पनी विरुद्ध गम्भीर षड्यन्त्र गरेर बदनाम गराउनेहरु विरुद्ध कम्पनीका सिइओले निष्पक्ष रुपमा छानविन गरेर कारवाही गर्नुपर्ने कम्पनीको केन्द्रीय कार्यालयमा पठाएको निवेदनमा उल्लेख गरिएको छ ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन