रौतहट, २० भदौं । भाद्र कृष्ण पक्षको अष्टमी तिथि अर्थात भगवान श्रीकृष्णको जन्म दिनको रुपमा नेपाल सहित विश्वका हिन्दु धर्म संस्कृति मान्नेहरु भव्यताका बुधवार मनाइरहेका छन् ।
हिन्दु वैदिक सनातन धर्मावलम्बीहरुले ‘श्रीकृष्ण जन्माष्टमी’ पर्व आज देशभर भगवान् श्रीकृष्णको पूजा–आराधना गरी श्रद्धा–भक्तिपूर्वक मनाइरहेका हुन् ।
जन्माष्टमीको अवसरमा ललितपुर पाटन स्थित मङ्गलबजारमा रहेका प्रसिद्ध कृष्ण मन्दिर देशभरीका कृष्ण मन्दीरहरुमा श्रद्धालु भक्तजनहरुको घुइचो लागेको छ । पाटन कृष्ण मन्दिरमा दर्शन गर्न राष्ट्रपति जाने चलन छ ।
मुलुकको राजधानी सहित देशका विभिन्न स्थानमा रहेका ठूला, साना श्रीकृष्ण मन्दिरमा पनि भक्तजनको भीड लाग्ने गर्छ । यसै उपलक्ष्यमा रौतहटको दुर्गा भगवती गाउँपालिका वडा नम्वर ३ मत्सरी स्थित कृष्णधामबाट विभिन्न धार्मिक झाँकी सहित शोभायात्रा तथा रथयात्रा निकाल्ने निकालने तयारी गरिएको छ जुन आज दिउसो ३ बजेबाट निस्कने छ ।
ज्ञानयोग, कर्मयोग र भक्तियोगका प्रणेता मानिने श्रीकृष्णको जन्म द्वापरयुगमा भाद्रकृष्ण अष्टमीको मध्यरातमा भएकाले आजको दिनलाई ‘श्रीकृष्ण जन्माष्टमी’ र रातलाई ‘मोहरात्रि’ भनिन्छ । यस दिन देशभरिका कृष्ण मन्दिरमा पूजा–आराधना, प्रवचन, भजनकीर्तन गर्नाका साथै विशेष गरी महिला, पुरुष व्रत बसी रातभर जाग्राम बस्ने प्रचलन छ ।
यस पर्वका अवसरमा नेपाल सरकारले आज देशभर सार्वजनिक बिदा दिएको छ ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन