आर्थिक बर्षको पहिलो सेवाग्राहीलाई दुर्गा भगवतीमा स्वागत

तराई टप संवाददाता
रौतहट, २ साउन । नयाँ आर्थिक बर्षको पहिलो दिन शुक्रवार पहिलो सेवाग्रहीलाई दुर्गा गाउँपालिकाले फुलमाला, अविर, मिठाई खुवाएर स्वागत गरेको छ ।
साउन १ गते अर्थात नयाँ आर्थिक बर्ष २०७८÷०७९ को पहिलो दिन काम विशेषले दुर्गा भगवती गाउँपालिकाको कार्यालय गंगापिपरामा पुग्दा उनले नचिताएको अप्रत्यासी घटना भयो । कार्यालयको प्रवेशद्धारमै निमित्त प्रमुख प्रशासकीय अधिकृत पर्मानन्द पाठक सहितका कर्मचारीहरुले उनलाई फुल माला, अविर लगाउनुको साथै मिठाई खुवाएर कार्यालयमा स्वागत गरिएको हो ।
निमित्त प्रमुख प्रशासकीय अधिकृत पाठकको अनुसार सेवाग्राही हाम्रा लागि भगवान सरह हो, उनीहरु काम गराउने भावनाबाट आउने गरेको हुँदा सेवाग्राहीको कामलाई सकभर सहज, छरितो र चाँडो काम गराएर पठाउने मानसिक्ताबाट हामी पालिकाको सम्पूर्ण कर्मचारीहरुलाई सेवाग्राहीको कामलाई पहिलो प्राथमिकता दिन निर्देशित गरिएको छ ।