रौतहट, २८ भदौं । ठूलो परिमाणमा बरामद भएका सुनको तस्करीमा संलग्न एक चिनियाँ नागरिक भिसा बिना नै नेपाल प्रवेश गरेको रहस्य खुलेको छ ।
केन्द्रीय अनुसन्धान ब्यूरोका अनुसार ६० किलो ७ सय १७ ग्राम सुन तस्करीमा संलग्न एक जना चिनियाँ नागरिक भिसा बिना नै भारत हुँदै नेपाल प्रवेश गरेको रहस्य खुलेको हो ।
सुन तस्करीमा संलग्न समूहलाई सीआईवीले ‘टोखा समूह’ र ‘लाजिम्पाट समूह’ मा वर्गीकरण गरेर पहिलो चरणको अनुसन्धान टुंग्याइसकेको छ । टोखा समूह परिचालन गर्ने चिनियाँ तस्कर याओ पुचेङ्ग बिना भिसा नै नेपाल प्रवेश गरेका हुन् । तस्कर समूहमा उनी ‘एलेक्स’ भनेर चिनिने गरेका छन् ।
चिनियाँ नागरिक याओ पुचेङ्ग करिब १ वर्षअघि भारत हुँदै नेपाल आएको अनुसन्धानमा संलग्न एक जना अधिकृतले बताए । उनले भने, ‘पुचेङ्ग सँग भारतीय आधार कार्ड र नक्कली नेपाली पासपोर्ट रहेछ, ती कागजातका आधारमा उनी बिना भिसा काठमाडौंमा आएको देखिन्छ ।’
चिनियाँ नागरिक याओ पुचेङ्ग उर्फ ‘एलेक्स’ को साथमा नेपाली नागरिकता समेत भेटिएको छ । एलेक्सले जिल्ला प्रशासन कार्यालय काभ्रेपलान्चोकबाट नेपाली नागरिकता लिएको देखिन्छ । भारतबाट नेपाल प्रवेश गर्दा कुन नाकाबाट छिरेको भन्नेबारे पुचेङ्गले प्रहरीलाई अहिले सम्म बताएको छैनन् । तर, उनले भनेका छन्, ‘भारतबाट नेपाल प्रवेश गरेको हुँ ।’ उनी पाँच वर्षदेखि चीन गएका छैनन् ।
ठमेलको छाया सेन्टर स्थित ‘वाल्डो क्यसिनो’ मा जुवा खेल्ने पुचेङ्गले त्यहाँबाट हङहङमा रकम पठाउने गरेको प्रहरीको अनुसन्धानबाट खुलेको छ । चिनियाँ नागरिकको व्यवस्थापनमा सञ्चालित वाल्डो क्यासिनो हङकङ र मकाओमा पनि छ । सुन तस्करीको रकम भुक्तानीमा वाल्डो क्यासिनो प्रयोग भएको प्रहरीको अनुसन्धानले निष्कर्ष निकाले छ ।
बषौं देखि चिनियाँ नागरिक पुचेङ्ग नेपालमा अबैध रुपमा बस्दै तस्करी कार्यमा संलग्न रहदै आएको छ । चिनियाँ नागरिकका लागि नेपाल अपराधीक गतिविधि संचालन गर्ने ट्रान्जीट प्वाइन्ट बनेकोमा सुरक्षा अधिकारीहरु चिन्ता व्यक्त गरेका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन