रौतहट, १ असोज । रौतहटको माधवनारायण नगरपालिका ५ मिठुअवा गाउँमा आईतवार राति एक जनाको घरमा लुटपाट भएको छ ।
गएराति १.३० बजेको समयमा पाँच जनाको संख्यामा आएका अज्ञात व्यक्तिहरुको समुहले माधवनारायण नगरपालिका वडा नम्वर ५ मिठुअवा बस्ने अबधेशकुमार महतोको घरमा प्रवेश गरेर नगद, सुनचाँदी र लत्ताकपडा सहित ४ लाख बराबरको धनमाल लुटेर लगेको पिडित परिवारले जनाएको हो ।
महतोको घरमा १५ दिन भित्र दोश्रो पटक लुटपाट भएको हुँदा कुनै व्यक्तिगत रिसिइवीका कारण यस प्रकारको घटना भएको हुन सक्ने आशंका गाउँलेहरुले गरेका छन् ।
महतोको १० बर्षिया छोरीलाई भदौं १४ गते स्थानीयद्धारा अपहरण गरेर भारत पुर्याइएका थिए तर अत्याधिक दवावको कारण ति बालिकालाई दुई दिनपछि ल्याएर गाउँ छेउमा छाडिएको थियो । सोही आरोपमा प्रहरीले दुई जनालाई नियन्त्रणमा लिएर कारवाही प्रक्रिया अगाडी बढाएको इलाका प्रहरी कार्यालय गरुडाबाट बुझिएको छ ।
घटना सम्बन्धमा प्रहरीले आवश्यक अनुसन्धान गरिरहेको इप्रका गरुडाले जनाएको छ । लुटपाटको घटना माथि प्रहरीले आशंका व्यक्त गर्दै हामी सुक्ष्म अनुसन्धान गर्दैछौं श्रोतबाट बुझिएको छ ।
यसैविच पिडित महतोले छोरीको अपहरणमा संलग्न व्यक्तिहरुद्धारा नै लुटपाटको घटना घटाएको उनले गुनासो गरे ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन