एसियाली खेलकुदमा बुधबार मङ्गोलियालाई २७३ रनले पराजित गर्दै नेपालले टी–२० अन्तरराष्ट्रिय क्रिकेटमा सबैभन्दा ठूलो जितको विश्व कीर्तिमान बनाएको छ ।
पहिले ब्याटिङ गरेको नेपालले २० ओभरमा ३ विकेट गुमाएर ३१४ रन बनाएको थियो । जवाफमा मङ्गोलिया १३.१ ओभरमा ४१ रनमा अलआउट भयो । यसअघि सबैभन्दा ठूलो जितको कीर्तिमान चेक रिपब्लिकको नाममा थियो । सन् २०१९ मा टर्कीलाई २५७ रनले जितेको थियो ।
नेपालका दीपेन्द्र सिंहले टी–२० अन्तरराष्ट्रिय क्रिकेटमा सबैभन्दा छिटो अर्धशतक बनाउने भारतीय ब्याट्सम्यान युवराज सिंहको विश्व कीर्तिमान पनि तोडेका छन् । दीपेन्द्रले चीनको हाङ्जाओमा जारी एसियाली खेलकुद पुरुष क्रिकेटमा मंगोलियाविरुद्ध ९ बलमा अर्धशतक पूरा गरेका हुन् ।
उनले आफ्नो पारीमा खेलेको कुल १० बल मा ८ छक्काको मद्दतले ५२ रन बनाए । युवराजले सन् २००७ को टी–२० विश्वकपमा इंग्ल्याण्डविरुद्ध १२ बलमा अर्धशतक बनाएका थिए । सोही खेलमा युवराजले स्टुअर्ट ब्रोडको एक ओभरमा लगातार ६ छक्का प्रहार गरेका थिए ।
नेपाली टोली र खेलाडीले बनाए ६ कीर्तिमान…
पहिलो

दोश्रो किर्तिमान

तेस्रो कीर्तिमानः कुशल मल्लले बनाए सबैभन्दा छिटो शतक

तेस्रो नम्बरमा ब्याटिङ गर्न आएका कुशल मल्लले ३४ बलमा शतक बनाउदै विश्वकिर्तिमानलाई ध्वस्त बनाए । यो टि–२० अन्तरराष्ट्रिय क्रिकेटमा सबैभन्दा छिटो शतक हो ।
यसअघि यो कीर्तिमान डेभिड मिलर र रोहित शर्माको नाममा संयुक्त रुपमा रहेको थियो । दुवै ब्याट्सम्यानले टी–२० मा ३५ बलमा शतक बनाउने कीर्तिमान बनाएका थिए ।
मल्लले ५० बलमा ८ चौका र १२ छक्का प्रहार गर्दै १३७ रनको इनिङ खेले ।
चौथो कीर्तिमानः नेपालले पनि बनायो सबैभन्दा ठूलो टिम स्कोर
यो खेलमा नेपालले टी–२० अन्तरराष्ट्रियमा सबैभन्दा ठूलो टिम स्कोरको विश्व कीर्तिमान पनि तोडेको छ । नेपालले मंगोलियाविरुद्ध २० ओभरमा ३ विकेट गुमाएर ३१४ रन बनाएको थियो । यसअघिको विश्व कीर्तिमान अफगानिस्तानको नाममा थियो । अफगानिस्तानले सन् २०१९ मा आयरल्यान्डविरुद्ध निर्धारित २० ओभरमा ३ विकेट गुमाएर २७८ रन बनाएको थियो । नेपालले ३१४ रन बनाएर रेकर्डको पहाड खडा गरे ।
पाँचौं कीर्तिमानः एक पारीमा सबैभन्दा बढी छक्का

नेपालको इनिङ्सका क्रममा ब्याट्सम्यानले २६ छक्का प्रहार गरे जुन एउटै पुरुष टी–२० अन्तरराष्ट्रिय इनिङ्सको नयाँ रेकर्ड बनायो । यसअघि अफगानिस्तानले २०१९ मा आयरल्याण्डविरुद्ध २२ छक्का प्रहार गरेको थियो ।
छैटौं रेकर्डः ३०० भन्दा बढिको स्कोर
नेपालले मंगोलियाविरुद्ध ३१४ रन बनाएको छ । जुन यसअघि कुनै पनि टोलीले टी–२० अन्तरराष्ट्रियमा ३००+ रन बनाएका थिएनन् । यसअघि टी–२० अन्तरराष्ट्रिय क्रिकेटको इतिहासमा कीर्तिमान अफगानिस्तानको नाममा थियो, जसले आयरल्याण्डविरुद्ध देहरादुनमा २७८ रन बनाएका थिए ।
प्रतियोगितामा १८ टोलीको सहभागिता रहेको छ
सबै क्रिकेट खेल झेजियाङ युनिभर्सिटी अफ टेक्नोलोजी पिङफेङ क्रिकेट फिल्डको मैदानमा खेलाइनेछ । प्रतियोगितामा १८ टोलीको सहभागिता रहेको छ । प्रतियोगिता टी–२० फर्म्याटमा खेलाइँदैछ ।
जुन १, २०२३ सम्मको आईसीसी वरीयतामा एसियाका शीर्ष चार टोलीले सिधै क्वाटरफाइनल प्रवेश पाएका छन् । यो समयसीमा अनुसार अन्य टोलीको वरियता र खेल पनि तय हुनेछ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन