रौतहट, १७ असोज । रौतहटको देवाही गोनाही नगरपालिकाको टिकुलिया गाउँमा निशुल्क आँखा शिविर बुधवार आयोजना गरेर आँखाको विरामीलाई उपचार गरिएका छन् ।
देवाही गोनाही नगरपालिका वडा नम्वर टिकुलिया गाउँमा डैक फौउन्डेशनको आर्थिक सहयोगमा नेपाल नेत्र ज्योती संघ गौर आँखा अस्पताल गौर ८ पुरेनवाद्धारा आज आयोजित निशुल्क आँखा शिविरमा २६२ जना विरामीहरुले आँखाको परिक्षण गराएका हुन् ।
निशुल्क आँखा परिक्षण गराउनमा महिला १३८ र पुरुष १२४ गरेर २६२ जना विरामीहरुको आँखाको परिक्षण गरिएको छ । जसमा ६८ जनालाई फ्रि औषधी, ८७ जनालाई निशुल्क चश्मा वितरण गरिएको गौर आँखा अस्पताल शिविरका कार्यक्रम संयोजक सत्येन्द्र पाण्डेले जानकारी दिए ।
आँखा परिक्षणको क्रममा मोतिया विन्दु भएका ५८ जना विरामीलाई गौर आखा अस्पतालमा आएर शैल्यक्रिया गराउन सुझाव दिएको बताउदै उनीहरुको शैल्यक्रिया पनि निशुल्क गरिने बताए । निशुल्क आँखा शिविरलाई व्यवस्थापन मिलाउन वडा कार्यालयले सहकार्य गरेको समेत उनले भने । मिसन नेपालको जिल्ला अध्यक्ष तथा नेपाल विश्व हिन्दु महासंघका त्रिभुवन ओझाको स्थानीय आयोजनामा एक दिने निशुल्क आँखा शिविर सम्पन्न भएको कार्यक्रम संयोजक पाण्डेले जानकारी दिए ।
निशुल्क आँखा शिविरको तस्वीर फिचर




बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन