तराई टप संवाददाता
रौतहट, ११ साउन । जनता समाजवादी पार्टी (जसपा) नेपालको कार्यकारिणी समितिमा महन्थ ठाकुरको पक्षमा १६ तथा उपेन्द्र यादवको पक्षमा ३४ जनाले समर्थन जनाएका छन् ।
निर्वाचन आयोगमा सोमवार सनाखतका लागि जसपा नेपालका कार्यकारिणी सदस्य हरुलाई आयोगमा बोलाएका थिए । सोही अनुसार आयोगमा उपस्थित भएका ५१ जना कार्यकारिणी समिति सदस्यहरु मध्ये यादवको पक्षमा ३४ र ठाकुरको पक्षमा १६ जनाले समर्थन जनाएको आयोग श्रोतबाट बुझिएका हुन् ।
जसपाका कार्यकारिणी समिति सदस्य रेशम चौधरी भने तटस्थ रहे । उनले कसैको पनि पक्ष र विपक्षमा आफू नरहेको भन्दै तटस्थ रहने निर्णय गरे । यद्यपि कार्यकारिणी समिति सदस्यहरुको मत विभाजनबारे आयोगले आधिकारिक रुपमा केही खुलाएको छैन ।
निर्वाचन आयोगमा विचाराधीन रहेको जसपाको आधिकारिकता सम्बन्धी मुद्दामा आयोगले आजै फैसला दिने अपेक्षा गरिएको छ । जसपाका नेता तथा कार्यकर्ताहरु आयोगको फैसलाको प्रतिक्षामा छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन