सर्लाही, १२ कार्तिक । सर्लाही जिल्लाको विभिन्न चोर नाकाहरु भएर राजस्व छलेर भित्रएका ठूलो परिमाणमा लागुऔषध गाँजा सहित दुई जनालाई सर्लाही प्रहरीले पक्राउ गरेको छ ।
जिल्ला प्रहरी कार्यालय मलंगवामा आयोजित पत्रकार सम्मेलमा लागु औषध गाँजा सहित पक्राउ परेका दुई जनालाई सार्वजनिक गर्दै प्रहरीले शनिवार रातिको समयमा कविलासी नगरपालिका वडा नम्वर ९ सलेमपुर स्थित झिम नदी किनारबाट गम्हरिया तर्फ जाँदै गरेका ज. १ त. ५५५१ नम्वरको ट्रयाक्टरलाई चेकजाँच गर्दा करिव दुई सय पचार किलोग्राम लागु औषध गाँजा सहित दुई जनालाई नियन्त्रणमा लिन सफल भएको बताए ।
कविलासी नगरपालिका वडा नम्वर १० का २८ वर्षीय भाग्य नारायण महतो र सोहि ठेगाना भएका २४ वर्षीय रवि भन्ने रवीन्द्र राय रहेको जिल्ला प्रहरी कार्यालय सर्लाहीको प्रवक्ता एवं डिएसपी दिपेन्द्र पंजियार थारुले जानकारी दिए ।
दुई सय ५० किलो गाँजा, एक थान मोबाइल, एउटा ट्याक्टर बरामद गरेको छ उक्त सामानको मूल्य करिव ३० लाख बराबर रहेको प्रवक्ता थारुले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन