रौतहट, १७ कार्तिक । नेपाल सन् २०२४ मा अमेरिका र बेष्ट इण्डिजमा हुने टि–० विश्व कपको लागि क्वालिफाई गरेका छन् ।
टि–२० विश्वकप छनोट अन्तर्गत काठमाडौंको मुलपानी खेल मैदानमा भएको सेमिफाइनल खेलमा युएईलाई ८ विकेटबाट हराउदै विश्वकपको यात्रा तय गरेका हुन् । फाइनलमा प्रवेश गर्ने दुवै टिम अमेरिका र बेष्ट इण्डिजमा टि–२० विश्वकपमा खेल्ने भएका छन् ।
युएईले टस जितेर पहिलो ब्याटिंग गर्दै निर्धारित २० ओभरमा ९ विकेट गुमाएर १३४ रनको योगफल तयार पारेका थिए । नेपालले १३५ रनको लक्ष्य पाएकोमा १७.१ ओभरमा दुई विकेट गुमाउदै विजयी लक्ष्य पुरा गर्दै नेपाल टि–२० विश्वकपको लागि क्वालिफाई गर्दै इतिहास रचेका छन् ।
नेपालका लागि ओपनर आरिफ शेख र कुशल भुर्तेल विच २६ रनको साझेदारी हुँदा भुर्तेल व्यत्तिगत ११ रनको स्कोरमा आउट भएर पवेलियन फर्किएपछि मैदानमा अलराउण्डरको भुमिकामा रहेका गुल्सन झा र आरिफ शेख विच ४१ रनको साझेदारी हुँदै झा व्यत्तिगत २२ रन बनाउदै टिमको ६७ रनमा दोश्रो विकेट गुमाए । झा पवेलियन फर्किएपछि क्याप्टन रोहित पौडेल र शेखले उत्कृष्ट प्रदर्शन गर्दै १७.१ ओभरमा नेपाललाई जिताएर विश्वकपको लागि क्वालिफाई गराएका छन् ।
आरिफले ५१ बलमा ६ चौक्का र दुई छक्काको मद्दतबाट अविजित ६५ रन र क्याप्टेन पौडेलले २० बलमा तिन चौक्का र एक छक्काको मद्दतबाट अविजित ३३ रन बनाए ।
यो जित संगै टि–२० एशिया छनौटको फाइनलमा प्रवेश गरे संगै विश्व कपको लागि क्वालिफाई गर्दा मुलपानीका दर्शकहरु खुशीले आतिशवाजी एवं नाँच्न थाले । किन नहोस दिपावली अघि नै नेपाली क्रिकेट टिमले दिपावली मनाउन नेपालीलाई मौका प्रदान गरेको छ । वेलडन नेपाली क्रिकेट टिम । बधाई छ नेपाली टिमका सम्पूर्ण टिमलाई ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन