रौतहट, १८ कार्तिक । भारतीय प्रधानमन्त्री नरेन्द्र दामोदर दास मोदीले नेपालको जाजरकोट र पश्चिम रुकममा शुक्रवार राति गएको भुकम्पमा परेर भएको जनधनको क्षति प्रति दुःख व्यक्त गर्दै भारत सरकारबाट हुने आवश्यक सबै सहयोग गर्न तयार रहेको बताएका छन् ।
भारतीय प्रधानमन्त्री नरेन्द्र मोदीले शनिवार समाजिक सञ्जाल एक्स ट्विटर मार्फत नेपालमा गएको भुकम्पबाट भएको जनधनको क्षति प्रति गहिरो दुःख व्यक्त गरेका हुन् ।
‘नेपालमा गएको भूकम्पबाट भएको जनधनको क्षतिप्रति गहिरो दुःख लागेको छ । भारत सरकार नेपाली जनतासँग ऐक्यबद्ध छ र हरसम्भव सहयोग गर्न तयार छ,’ उनले लेखेका छन् ।
यस्तै भूकम्पमा परी ज्यान गुमाएका मृतकका परिवारप्रति समवेदना प्रकट गर्दै घाइतेहरूको स्वास्थ्य लाभको कामना गरेका छन् । शुक्रबार मध्यराति ११ः४७ बजे जाजरकोट रामी डाडा केन्द्रबिन्दु बनाएर ६.४ रेक्टरको भूकम्प गएको थियो । भूकम्पले जाजरकोट र रूकुम पश्चिममा ठूलो क्षति पुगेको छ ।
नेपाल प्रहरीले सार्वजनिक गरेको सूचनाअनुसार शनिबार बिहान सवा ९ बजेसम्म १३२ जनाले ज्यान गुमाएका छन् । यस्तै दुई सयको हाराहारीमा घाइते समेत भएका छन् ।
उद्धारको लागि तीन वटै सुरक्षा निकायको टोली घटनास्थलमा पुगेका छन् ।
यसैविच नेपालका लागि अमेरिकी राजदूतले पनि भुकम्पबाट भएको जनधन क्षति प्रति दुख व्यक्त गर्दै अमेरिकी सरकार हर सम्भव सहयोग गर्न तयार रहेको बताइएका छन् ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन