सिरहा, १३ मंसिर । सिरहा जिल्लामा घरेलु हिंसाको घटनामा वृद्धि हुँदै गएको छ । दुई जना महिला घरेलु हिंसाको शिकार भई निर्ममतापूर्वक हत्याको शिकार बनेपछि प्रहरी सक्रिय भई केही व्यक्तिलाई नियन्त्रणमा लिएका छन् ।
सिरहा नगरपालिका वडा नम्वर १५ सुखचैनाकी ३० वर्षकी सञ्जिता यादवको मंसिर ७ गते र कल्याणपुर नगरपालिका वडा नम्वर ८ बड्कीटोलकी संगीता कुमारी दासको कात्तिक २७ गते हत्या भएको थियो ।
सञ्जिताको हत्या गरेको आरोपमा उनका ४० बर्षिय श्रीमान देवेन्द्र यादव र संगीता कुमारी दासको हत्या आरोपमा ५१ बर्षिय ससुरा रामअशिष दासलाई पक्राउ गरेर सार्वजनिक गरेका छन् ।
पक्राउ परेका दुबै जनालाई जिल्ला प्रहरी कार्यालय सिरहामा बुधवार सार्वजनिक गर्दै प्रहरी प्रवक्ता एवं डीएसपी रवीन्द्रराज पाण्डेले मंसिर ७ गते राति १० बजे देवेन्द्रले बाँसको भाटा र इँटाले सञ्जित माथि निर्घात कुटपिट गरेर गरेको थियो । घटनालाई ढाकछोप गर्न उपचार गराउन भन्दै भारतको जयनगरतर्फ लगेपछि छिमेकीले प्रहरीलाई जानकारी दिएपछि श्रीमान देवेन्द्रलाई नियनत्रणमा लिई अनुसन्धान गरेपछि हत्या गरेको बताए ।
प्रहरीले नेपाल भारत सीमा क्षेत्रबाट करिब ३०÷३५ किलोमिटर टाढा भारतको मधुवनी जिल्लाको खजोली थाना अन्तर्गत सेलरा भन्ने ठाउँबाट सञ्जिताको शव बरामद गरेको थियो ।
यसैगरी कल्याणपुर नगरपालिका वडा नम्वर ८ मा घरायसी विवादको क्रममा ससुरा दासले टाउकोमा बञ्चरो प्रहार गर्दा बुहारी संगीताको घटनास्थलमै मृत्यु भएको प्रहरीको भनाइ छ । घटनापछि फरार रहेका दासलाई प्रहरीले मंसिर १ गते पक्राउ गरेको थियो । दुबै जनालाई हिरासतमा राखेर अनुसन्धान गर्न जिल्ला अदालत सिरहाबाट म्याद लिएर कारवाही प्रक्रिया अघि बढाएको डिएसपी पाण्डेले भने ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन