zoom immersive download zoom us join meetings www.free zoom download zoom meeting app download for windows 10 pc zoom 5.6.4 download why is zoom not responding on my laptop

पर्सामा लागु औषध सहित चार जना पक्राउ

   २२ श्रावण २०७८, शुक्रबार १५:२५  

तराई टप संवाददाता
पर्सा, २२ साउन । प्रतिबन्धित लागु औषध सहित चार जनालाई पर्सा प्रहरीले नियन्त्रणमा लिएको छ ।
विशेष सुराकीको आधारमा पर्सा जिल्ला प्रहरी कार्यालयबाट खटिएको प्रहरी टोलीले वीरगञ्ज महानगरपालिका वडा नम्वर ९ का ४५ बर्षिय जितेसप्रसाद श्रीवास्तव, काठमाण्डौ महानगरपालिका वडा नम्वर ३ का ३२ बर्षिय विमल श्रेष्ठ, हेटौडा उपमहानगरपालिका ११ का २१ बर्षिय डेनिएल तामांग र हेटौडा उपमहानगरपालिका ४ का २७ बर्षिय विकास देउलालाई प्रहरीले लागु औषध सहित नियन्त्रणमा लिएको हो ।
प्रहरीले बिहीबार दिउँसो १०० एमएलको २३१ बोतल, कोडिन फस्फोट सिरफ १०० एमएलको ३३ बोतल, नाइट्राभेट ७५ ट्याबलेट र स्पाकोर भोनप्लस ८ बरामद गरेको जिल्ला प्रहरी कार्यालय पर्साले जनाएको छ । यस्तै साउन २० गते वीरगञ्ज महानगरपालिका–१६ शंकराचार्यबाट काठमाडौं सितापाइलका ३२ वर्षीय विमल श्रेष्ठ र हेटौंडाका २१ वर्षीय डेनियल तामाङको साथबाट स्कुटीको डिकीमा लुकाएर ल्याएको लागु औषध नुर्फिन ३० एम्पुल, डाइजेपाम ३० एम्पुल र फेनारगन ३० गरी ९० एम्पुल बरामद गरेको प्रहरीले जनाए ।
पक्राउ परेका चारैजना विरुद्ध लागु औषध सम्बन्धी कसूरमा थप अनुसन्धान अगाडि बढाइएको पर्सा प्रहरीले जानकारी दिए ।

फेसबुकबाट तपाईको प्रतिक्रिया सबै