रौतहट, ३ भदौं । पथलैया हेटौडा सडक खण्डको चुरिया माई मन्दिर नजिक ओरालोमा यात्रुबाहक बस दुर्घटना हुँदा चालकको मृत्यु भएको छ भने ८ जना यात्रु घाईते भएका छन् ।
काठमाडौं बाट रौतहटको बंकुलतर्फ आउँदै गरेको ना ६ ख ४६४१ यात्रुबाहक बस दुर्घटना हुँदा हेटौडा उपमहानगरपालिका ८ कमाने बस्ने ४९ बर्षिय चालक धर्मराज रेग्मीको मृत्यु भएको जिल्ला प्रहरी कार्यालय वाराले जनाएका हुन् ।
चुरिया माई नजिकको ओरालोमा बसको व्रेक फेल भएर उक्त दुर्घटना हुँदा बस चालक रेग्मीको चुरेहिल अस्पताल हेटौडामा उपचारको क्रममा मृत्यु भएको छ । ब्रेक फेल भएर बस अनियन्त्रित हुँदा हेटौंडा तर्फ जाँदै गरेको बागमती प्रदेश ०३–००१ प ४११ नम्बरको मोटरसाइकललाई ठक्कर दिन दिएको थियो । दुर्घटनामा परी घाइते भएका बारा कोल्हवी नगरपालिका ११ का २२ वर्षीय बिहारीलाल चौधरीको अवस्था गम्भीर रहेको डिएसपी गौतम मिश्रले जानकारी दिए ।
डिएसपी मिश्रको अनुसार मोटरसाइकल चालक हेटौंडा उपमहानगरपालिका–२ चौकी टोल बस्ने ३५ वर्षीये इन्द्रबहादुर कार्कीको अवस्था भने सामान्य रहेको छ । चुरेहिल अस्पतालमा उपचाररत बारा कोल्हवी– ११ का २१ वर्षीय सुरज चौधरी, २८ वर्षीय राम प्रवेश रामको अवस्था सामान्य छ ।
यसैगरी कोल्हवी २ का ५७ वर्षीया देवकी पन्त र रौतहट विजयपुर नगरपालिका– १ का ३४ वर्षीय गान्धी दासको अर्थोपेडिक अस्पताल हेटौंडामा उपचार भइरहेको छ ।
बसमा चालक सहचालक गरी २८ जना यात्रु सवार रहेको वारा प्रहरीले जनाएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन