तराई टप संवाददाता
रौतहट, ४ भदौं । सिमापारी भारतबाट श्रोत नखुलेको भारतीय रुपैया सहित २ जना नेपाली नागरिकलाई रौतहट प्रहरीले पक्राउ गरेको छ ।
रौतहटको इशनाथ नगरपालिकको वडा नम्वर १ बन्जरहा गाउँ भन्दा पूर्व लाल बकैया नदीको बाँध भएर भारतबाट बा . ३९ प. १६९१ नम्वरको मोटरसाइकलमा सवार भएर आउदै गरेको अवस्थामा सिमा प्रहरी चौकी बन्जरहाले बुधवार साँझ ७ बजेको समयमा रोकेर चेकजाँच गर्दा पाँच सय, एक सय र पचासको नोट गरी एक लाख ८३ हजार पाँच सय भारतीय रुपैया सहित दुई जनालाई नियन्त्रणमा लिएको जिल्ला प्रहरी कार्यालय रौतहटले जनाएको हो ।
जिल्ला प्रहरी कार्यालय रौतहटले अनुसन्धान गरी शुक्रवार सार्वजनिक गरे अनुसार गौर नगरपालिका वडा नम्वर ४ टिकुलिया घर भएको बर्ष ३० को सुखाडी सहनी र गरुडा नगरपालिका वडा नम्वर १ जयनगर घर भएको बर्ष ३५ को अनिल भन्ने विकास साहलाई श्रोत नखुलेको भारतीय रुपैया सहित पक्राउ गरिएको डिएसपी नारायण प्रसाद चिमरियाले बताए ।
भारतीय रुपैया १ लाख ८३ हजार ५ सय, मोटरसाइकल तथा दुवै जनालाई आवश्यक कारवाहीको लागि राजस्व अनुसन्धान कार्यालय पथलैयालाई जिम्मा लगाएको उनले जानकारी दिए ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन