रौतहट, ५ भदौं । परोहा नगरपालिकाको एक अपराधिक प्रवृतिको युवकलाई भारत विहारको पुर्वी चम्पारण जिल्ला अन्तर्गत चम्पापुर बखरीमा गोली हानेर हत्या गरिएको अवस्थामा शव फेला परेका छन् ।
रौतहटको परोहा नगरपालिका वडा नम्वर ३ बसन्तपटी गाउँ बस्ने जोगी सहनीको छोरा बर्ष ४५ का विन्दवासनी सहनीलाई शुक्रवार गोली हानेर हत्या गरिएको शव पुर्र्र्वी चम्पारण जिल्लाको चम्पापुर बखरी स्थित सडक किनारको धान खेतमा फेला परेका हुन् ।
नेपाली युवक सहनीको घाँटी, कन्चटमा गोली हानेर हत्या गरिएको छ । सहनीको शव संगै उनले प्रयोग गरेको मोटरसाइकल समेत बरामद भएको स्थानीय प्रत्यक्षदर्शीले तराई टप अनलाईनलाई जानकारी दिए ।
विन्दवासी अपराधी प्रवृतिका व्यक्ति थिए
युवक सहनी विगत १२ बर्ष देखि नेपालमा अपराधी कृयाकलाप घटाएर भारतमै बस्दै आएका थिए । उनी माथि आधा दर्जन मुद्दा जिल्ला प्रहरी कार्यालय रौतहटमा दर्ता रहेको प्रहरी श्रोतबाट बुझिएको छ । प्रहरीको सर्वाधिक खोजीको सुचीमा रहेका सहनीको हत्या भएको छ । हत्या, अपहरण, फिरौती लगायतका कयौं मुद्दा रहदा सहनी नेपाल भारत सिमा देखि २० किलोमिटर दक्षिण चम्पार बखरीमा बस्दै आएको थियो ।
विन्दवासनी अपराधी कसरी बने
तात्कालिन माओवादीको सशस्त्र द्धन्दकालमा नेपाल प्रहरीको सुराकी एवं घुमुवा बनेर कतिपय माओवादीलाई हत्या गर्न लगाएको आरोप माओवादीहरुले लगाएका थिए । सोही कार्यको बदला लिन शान्ति वार्तामा आइसकेको माओवादीहरु २०६४ सालमा मृतक सहनीको दाजुहरु घरमा श्रीमती संग सुतिरहेको अवस्थामा शम्भु सहनी र श्यामसुन्दर सहनीलाई घरबाटै अपहरण गरेर वेपत्ता पारे । वेपत्ता पारिएको दुई दिनमै सहनी दाजु भाईलाई इनर्वा गाउँ छेउमा रहेको लाल बकैया नदीको बगरमा कोदालोको पासोबाट विभत्स तवरबाट काटेर हत्या गरे । हत्या पश्चात बालुमा खाल्डो खनेर शवलाई परिएका थिए ।
माओवादीको उक्त कार्य प्रति स्थानीयहरुको आक्रोश बढ्न थाल्दा शवको खोजतलासकै क्रममा हत्याको दुई दिन पछि शवलाई स्थानीयको सहयोगमा प्रहरीले फेला पर्न सफल भएपनि उक्त हत्यामा माओवादीलाई कारवाही भएन । मृतक परिवारले न्याय पाएन त्यस दिन देखि प्रहरीको सहयोग रहेका विन्दवासनी साहनी एक कुख्यात अपराधी बनेर घटनाहरुलाई अन्जाम दिदै आएका थिए । नेपालमा घटना गराएर भारतमा लुकेर बस्ने गरेको कतिपय स्थानीय बासिन्दाहरुले बताए । प्रहरीद्धारा अपराधी बनाइएको व्यक्तिको अन्त्य गोलीबाटै भएको छ, सहनी संगै उनको आतंक अस्ताएको छ ।
माओवादीको उक्त कार्य प्रति स्थानीयहरुको आक्रोश बढ्न थाल्दा शवको खोजतलासकै क्रममा हत्याको दुई दिन पछि शवलाई स्थानीयको सहयोगमा प्रहरीले फेला पर्न सफल भएपनि उक्त हत्यामा माओवादीलाई कारवाही भएन । मृतक परिवारले न्याय पाएन त्यस दिन देखि प्रहरीको सहयोग रहेका विन्दवासनी साहनी एक कुख्यात अपराधी बनेर घटनाहरुलाई अन्जाम दिदै आएका थिए । नेपालमा घटना गराएर भारतमा लुकेर बस्ने गरेको कतिपय स्थानीय बासिन्दाहरुले बताए । प्रहरीद्धारा अपराधी बनाइएको व्यक्तिको अन्त्य गोलीबाटै भएको छ, सहनी संगै उनको आतंक अस्ताएको छ ।
कतिपय विषलेश्कले नेपाल प्रहरीको घुमुवाहरु भारतमा गई विन्दवासनीलाई गोली हानेर हत्या गरेको छ तर सोको आधिकारीक पुष्टि भएको छैन । नेपाल प्रहरी भारतमा गएर मान्छे मार्न नसकिने तर भारतीय सुरक्षाकर्मीहरुको सहयोगमा यस्तो घटना हुन सक्ने आशंकालाई नकार्न सकिन्न । आखिर अपराधमा संलग्न व्यक्तिको अन्त्य दुखद नै हुन्छ, अपराधबाट टाँढा रहौं, अपराधीलाई संरक्षण नगरौं, अन्यायीलाई कारवाहीको दायरामा ल्याउनमा सघाएर अपराधमुक्त समाजको निर्माण गरौं ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन