रौतहट, ३ फागुन । रौतहटको इशनाथ नगरपालिका वडा नम्वर ५ मा सरस्वतीको मुर्ती सेलाउन जाँदा बाटोमै अर्को समुदायको महिलाहरुले ढुंगाइटा प्रहार गर्दा स्थानीय एक जना युवकको टाउको फुटेको छ भने आधादर्जन युवकहरुलाई सामान्य चोटपटक लागेका छन् ।
इशनाथ नगरपालिका वडा नम्वर ५ मोतिपुर स्थित बसन्तपंचमीको अवसरमा सरस्वती पुजा गरेर विहिवार मुर्ती सेलाउन जाने क्रममा फरक समुदायका महिलाहरु घर बाहिर निस्केर अन्धाधुन्ध ढुंगाइटा प्रहार गर्दा स्थानीय २५ बर्षिय नरेश रामको टाउको फुटेर घाइते हुनुको साथै आधा दर्जन भन्दा बढि सामान्य घाईते भएका हुन् ।
बाक्लो सुरक्षाकर्मीहरु भएपनि मुर्ती सेलाउने जुलुशलाई अवरोध गरेर खडा भएकी महिलाहरुलाई सुरक्षाकर्मीहरुले निकै सम्झाएपनि ढुंगाइटा प्रहार गर्न थालेपछि प्रहरीले निकै धर्यता देखाउदै घटनालाई साम्य बनाई विद्यालय नजिकको पोखरीमा मुर्तीलाई सेलाउन लगाएको प्रहरी श्रोतबाट बुझिएको छ ।
यता टाउको फुटेर घाइते भएका युवकका स्थानीय स्वास्थ्य चौकीमा उपचार गरेर घर पठाइएको तथा उक्त क्षेत्रमा कुनैपनि धार्मिक एवं सम्प्रदायिक तनाव हुन नदिन व्यापक संख्यामा सुरक्षाकर्मीहरु परिचालन गरिएको जानकारी रौतहट प्रहरीका एसपी महेन्द्रकुमार श्रेष्ठले दिए । गाउँ समाजमा सदभाव कायम राख्नुपर्ने सबै धर्म समुदाय संग उनले आग्रह गरे । ढुंगाइटा खाएर पनि प्रहरी धर्यता अपनाउदै अप्रिय घटना हुन नदिएको समेत एसपी श्रेष्ठले भने ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन