पर्सा, ७ फागुन । पर्सा सदरमुकाम वीरगञ्ज यतिखेर हिन्दुबादीहरुको प्रदर्शनले तात्तिएका छन् ।
सोमवार दिउसो देखि हिन्दुवादी संघसंस्थाहरुले वीरगञ्जमा प्रदर्शन गर्दै बजार बन्द गराउन खोज्दा प्रदर्शनकारी र प्रहरी बीच ठाँउ ठाँउमा झड्प हुँदा यतिखेर पर्सा सदरमुकाम वीरगञ्ज तात्तिएका हुन् ।
रौतहट र महोत्तरीमा हिन्दु समुदाय माथि भएको बर्बर दमन एवं झड्पको विरोधमा वीरगञ्जका हिन्दुवादी संघसंस्थाहरु तात्तिएरको बताइएका छन् । रौतहटको ईशनाथ नगरपालिका ७ घिउडा टोलमा सरस्वतीको मूर्ति सेलाउने विषयलाई लिएर दुई समुदायबीच पाँच दिनदेखि जारी विवादलाई लिएर वीरगञ्जमा आज हिन्दुवादीहरूले प्रदर्शन संगसंगै बजार बन्द गराउदै हिडेपछि प्रहरी संग झड्प भएको छ ।
हिन्दुहरूले निकालेको विरोध जुलुसमा मुस्लिम समुदायका एक समूहले अवरोध गर्न खोज्दा प्रहरीले हस्तक्षेप गरेर स्थिति नियन्त्रणमा लिएको छ । अहिले वीरगन्जको मुख्य बजारको अवस्था तनावपूर्ण नै बनेका छन् ।
चोक चोकमा हिन्दुवादी र मुस्लिमहरू छुट्टाछुट्टै भेला भएर बसेपछि ठूलो संख्यामा नेपाल प्रहरी र सशस्त्र प्रहरी परिचालन गरिएका छन् । हिन्दुवादीहरूले जुलुस निकालेर बजार बन्द गराउँदै हिँडेपछि समूह बनाएर मुख्य सडकमा आएका मुस्लिम समुदायको एक समूहले आदर्शनगर र महावीर स्थानमा हिन्दु धर्मको झण्डा च्यात्न थालेपछि स्थिति तनावपूर्ण बनेका थिए तर प्रहरीले हस्तक्षेप गरेर नियन्त्रणमा लिएको प्रहरी निरीक्षक मोहनविक्रम केसीले जानकारी दिए ।
यस्तै हिन्दु समाजले रौतहट, महोत्तरी लगायतका जिल्लामा हिन्दुमाथि अत्याचार भएको भन्दै त्यस घटनामा संलग्नहरूलाई कारबाहीको माग गर्दै जिल्ला प्रशासन कार्यालय पर्सामा ज्ञापनपत्र बुझायो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन